أسعار الدهب رجعت تغلي وواضح ان الزيادة هتوصل لارقام كبيرة.. ياتري اية سر عودة ارتفاع أسعار الذهب في مصر.. وهل ممكن عيار الذهب 21 يرجع يحقق 5 آلاف جنية من تاني.
اللي متابع لأسعار الذهب في مصر هيعرف أن الأسعار بتشهد موجات غير مسبوقة من التذبذب يومين في الطالع ويومين في النازل وفضل الحال علي كده لحد يومنا هذا، والناس كلها بتسأل هل أسعار الذهب هتفضل مكمله كده علي طول ولا هيكون في وقت معين أسعار الذهب هترجع تستقر تاني، ولا استقرت هتكون الأسعار كام،. أية أسباب الارتفاعات والانخفاضات اللي حصلت في الأسعار.
الأسئلة دي وأسئلة تانية كتيرة بتدور في دماغ كل مواطن مصري جاوبت عليها شعبة الذهب واللي أكدت أن أسعار الذهب في مصر مرتبطة بالسعر العالمي اللي لما يرتفع الأسعار المحلية عندنا بيرتفع معاها والعكس صحيح، ومن بداية 2025 أسعار الذهب في العالم كله بتشهد موجات غير مسبوقة من الارتفاع وده اللي خلي سعر الاونصة يعدي 3500 دولار لاول مرة في التاريخ وده اللي انعكس علي الأسعار المحلية عندنا هنا في مصر ووصل سعر جرام الذهب عيار 21 واللي هو الأكثر مبيعا انتشارا في مصر خصوصا في القري والمحافظات لأكثر من 5 آلاف جنية لاول مرة في التاريخ.
شعبة الذهب قالت كمان أن التقلبات اللي حصلت في السعر العالمي للذهب من بداية 2025 سببها التوترات الجيوسياسية والاقتصادية اللي بقت سمة أساسية في أغلب دول العالم خصوصا بعد القرارات الاقتصادية الهامة اللي أعلنت عنها الإدارة الأمريكية ولما أعلنت عن فرض رسوم جمركية علي الواردات والبضائع اللي بتدخل السوق الامريكي، وده ادت الي أزمة كبيرة في البورصة العالمية وخلت اغلب الأسعار تتضاعف.
التوترات الاقتصادية اللي صنعتها الرسوم الجمركية الأمريكية خلت اغلب البنوك المركزية في العالم تتوسع في تحويل جزء كبير من الاحتياطي النقدي الي سبائك ذهبية خصوصا أن العملات الأجنبية مش مضمونة يوم في الطالع ويوم ملهاش قيمة ولكن الذهب علي مر العصور ماسك سعر وارقامه في الطالع وبالتالي ده الهدف الرئيسي من قرارارت البنوك المركزية في العالم لتحويل جزء من احتياطاتها النقدية الي سبائك ذهبية.
طيب إيه حكاية عودة ارتفاع أسعار الذهب في مصر حاليا ؟.
أسعار الذهب في مصر رجعت من جديد للارتفاع وده بسبب التوترات الناتجة عن الرسوم الجمركية الأمريكية واللي أقرها من جديد الرئيس الأمريكي دونالد ترامب علي بعض الدول دي البرازيل وكندا والتهديدات المباشرة اللي موجودة علي البضائع والسلع الصينية، وبالتالي التوترات الاقتصادية رجعت تظهر علي الساحة من جديد وده اللي خلت البنوك المركزية حوالين الذهب تتوسع من جديد في تحويل احتياطاتها النقدية إلي سبائك ذهبية وده خلق اقبال دولي شراء الذهب وبالتالي الأسعار كل يوم بتشهد موجات من الزيادات الجديدة في الأسعار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
