يا ترى إيه تأثير قرار البنك المركزي بتخفيض أسعار الفايدة، على أسعار العقارات في مصر، هل ممكن فعلا يحصل رواج أو تنشيط لمبيعات الريل ستيت في الفترة الجاية، والأسعار هترفع ولا هتنزل؟
في الحقيقة، كان قرار البنك المركزي المصري بخفض سعر الفايدة يوم الخميس اللي فات بمعدل 2.25%، خطوة إيجابية لتنشيط الاقتصاد المصري، ومش بس كده، ده كمان هيقدر يعمل دفعة قوية لتنشيط الاستثمار في كل القطاعات الاقتصادية، واللي ساهم في خفض تكلفة الاقتراض، وحفز الشركات على اتخاذ قرارات استثمارية أسرع.
وبعد القرار ده، اتحولت الأنظار بقوة للسوق العقاري، اللي بيعتبر أحد أكتر القطاعات المستفيدة من القرار ده، خاصة وإن في ظل التغيرات الاقتصادية الإقليمية والعالمية، أثبت العقار إنه قادر على تحقيق أرباح قوية للعملاء، لأنه من أهم أدوات الادخار الآمن وكمان بيصنف كملاذ آمن للاستثمار.
وحاليا، ومع تراجع العائدات على الودائع البنكية، بتزيد جاذبية العقار كخيار استثماري طويل الأجل، لأنه بيتمتع بعوائد مستقرة ومخاطر أقل.
كمان، قرار البنك المركزي بخفض سعر الفايدة بيمثل دفعة قوية للقطاع العقاري، لأنه بيقلل من تكلفة الاقتراض، وبيزيد من جاذبية خطط التقسيط والتمويل العقاري، وده بينعكس بشكل مباشر على تحفيز الطلب وتحريك السوق.
ونقدر نقول، إننا دلوقتي بنشهد بالفعل زيادة في اهتمام الأفراد والعائلات بشراء العقارات حاليا، قبل أي ارتفاعات متوقعة في الأسعار، خاصة مع توافر مشروعات بتقدم أنظمة سداد مرنة بتناسب مختلف شرائح العملاء، وده بيؤكد إن خفض الفايدة مش بينعكس بس على المستهلك النهائي، لأ ده كمان بيشجع الشركات العقارية على التوسع وضخ استثمارات جديدة، عشان تستفيد من انخفاض تكلفة التمويل، لأن ده هيقدر يعزز النشاط العمراني في مختلف أنحاء الجمهورية.
برضو، العقار بقى بيمثل ملاذ استثماري أكثر أمانًا مقارنة بأدوات إدخارية تانية زي الذهب، واللي شهد تقلبات سعرية حادة في الفترة الأخيرة، لكن العقارات بتتميز بعوائد مستقرة سواء من حيث الزيادة في القيمة السوقية أو من خلال الدخل الإيجاري.
عشان كده، من أهم مزايا الاستثمار العقاري هو تثبيت سعر الوحدة وقت التعاقد، وده بيمكن العميل من الاستفادة من أي ارتفاعات مستقبلية بدون إن السوق يتأثر بيها، مع إمكانية تأجير الوحدة بعد الاستلام عشان يولد دخل يقدر يساهم في سداد الأقساط، عشان كده مهم جدا اختيار الشركات صاحبة الخبرة وسابقة الأعمال القوية، واللي يتقدم خدمات الإدارة والصيانة بعد التسليم، عشان بيبقى لها دور أساسي في الحفاظ على القيمة الاستثمارية للعقار على المدى الطويل ونقدر كمان نصدر العقار خارج مصر.
أما بالنسبة لتوقعات السوق العقاري في الفترة الجاية، فنقدر نقول إن ممكن جدا يحصل نشاط ملحوظ في السوق العقاري، خاصة في ظل توجه الدولة لخلق بيئة استثمارية مستقرة، واستمرار التطوير العمراني اللي بيقدر يخلق فرص واعدة للمستثمرين والمستهلكين.
وده وبالإضافة لأن كتير من شركات التطوير العقاري هتقدم تسهيلات وعروض مغرية في خطط التقسيط خلال الفترة الجاية، وده في حد ذاته هسيساهم في زيادة الطلب على العقار من ناحية، وكمان تحفيز النمو في القطاع العقاري بشكل أكبر من ناحية تانية عشان تكون الاستفادة مضاعفة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
