في استثمارات كتيرة دخلت السوق المصري خلال الشهور اللي فاتت وكان السبب فيها هيا الرسوم الجمركية الجديدة اللي فرضها ترامب.. ياتري اية الحكاية دي.. وازاي الرسوم الجمركية كانت السبب في دخول استثمارات أجنبية جديدة لمصر.
الرسوم الجمركية الجديدة اللي اقرتها الإدارة الأمريكية واللي كانت السبب في ازمة في حركة التجارة العالمية بشكل كامل، وده قبل ما يصدر قرار جديدة بتاجيل تطبيق الرسوم الجمركية لمدة 90 يوم، خلي المستثمرين الأجانب يدورا علي الدول اللي هيا الاقل في الرسوم الجمركية المفروضة خصوصا أن المستثمرين علي طول بيدورا علي الدول اللي بتدي تحفيزات وتسهيلات كبيرة لدخول المستثمرين ورؤوس الأموال الاجنبية للدخول للسوق المصري، خصوصا ان كل العالم متوقع عودة تطبيق الرسوم الجمركية في اي وقت.
الرسوم الجمركية الأخيرة تضمنت فرض رسوم جمركية علي الواردات المصرية بنسبة 10%، ودي بتعد من اقل النسب الجمركية المفروضة في حركة التجارة العالمية، وبسبب النسبة دي في استثمارات كتيرة دولية دخلت السوق المصري، خصوصا الاستثمارات الصينية واللي شهدت تدفقات كبيرة في الدخول علي السوق المصري.
طيب ازاي الرسوم الجمركية ساعدت في وجود تدفقات كتيرة للسوق المصري؟.
في وسائل اعلام صينية كتبت تقارير في الايام اللي فاتت أن عدد كبير من المسثتمرين الصينين بدوا في تصفيه شركاتهم من السوق الصيني بسبب الرسوم الجمركية الكبيرة اللي فرضتها الادارة الأمريكية علي الورادات الصينية، واغلب الاستثمارات دي توجهت الي مصر لاكثر من سبب اولهم التسهيلات الكبيرة اللي قدمتها مصر للمستثمرين واصحاب روؤس الأموال الأجنبية للسوق المصري زي تسهيلات منح وتخصيص الاراضي المخصصة لاقامة المشروعات المختلفة، ده غير التسهيلات اللي بتقدمها الحكومة لمنح التراخيص اللازمة للبناء والتشغيل واللي الدولة في الوقت الحالي بتمنحها للمستثمرين في رخصة واحدة اسمها الرخصة الذهبية واللي بتكون كافة للمستثمرين للبناء والتشغيل بدون الحاجة للحصول علي اي موافقات من جهات أو وزارات تانية في الدولة .
تاني سببب لزيادة الاستثمارات الصينية في السوق المصري هو ان الإدارة الأمريكية قررت تعليق تطبيق الرسوم الجمركية علي كل دول العالم باستثناء الصين واللي البيت الابيض اعلن عن مضاعفة الرسوم الجمركية المفروضة علي البضائع والواردات بتاعتهم، وده بيمثل اعباء مالية جديدة علي المستثمرين والمصنعين، وبالتالي التكلفة هتزيد عليهم في نفس الوقت هتكون منخفضة علي المنافسين لهم في الاسواق الدولية وده هيسبب في انخفاض مبيعاتهنم بشكل كبير في السوق الأمريكي .
مصر في الوقت اللي فات كانت بتعاني من عجز تجاري مع الولايات المتحدة وفي الفترة اللي جاية مصر هتكون في مأمن من إجراءات ترامب الإضافية، وهتكون أقل الدول في معدلات التعريفات الجمركية التي فرضها ترامب وهتوصل لـ10% بس، ودي هتكون فرصة للمصانع في مصر لتصدير بضائع بكل سهولة للاسواق الأوروبية خصوصا السوق الأمريكي ده غير السوق الأفريقي واللي بيعد من اكثر الاسواق استهلاكا ومصر عندها فرصة كبيرة للسيطرة عليه بسبب العلاقات السياسية والاقتصادية الموجودة لمصر مع اغلب دول القارة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
