شارك الفنان تامر حسني جمهوره باحتفاله بألبومه الجديد “لينا معاد”، في سهرة فنية شاركه بها النجمين تامر عاشور ومحمد رمضان، بالساحل الشمالي.
ونشر نجم الجيل عبر خاصية الاستوري على حسابه الرسمي على موقع التواصل الاجتماعي لتبادل الصور والفيديوهات فيديو يجمعه يتامر عاشور، وعلق: “أنا وحبيبي النجم تامر عاشور ويوم من احلى الأيام”.
وفي سياق آخر، عبر الفنان تامر حسني عن سعادته بتصدر أغنيته الذوق العالي مع الكينج محمد منير الترند، موضحا أنه خاض رحله نجاح كبيرة ومر بصعوبات وأزمات صحية ليخرج الألبوم في أبهى صورة ويحوز على إعجاب الجمهور.
وكتب عبر حسابه الرسمي على موقع التواصل الاجتماعي لتبادل الصور والفيديوهات الانستجرام: “هنتهز الفرصة الجميلة دي إن أغنية الذوق العالي مع حبيبي محمد منير تريند عام رقم واحد، وفي تريند King اللي بموت فيه الـ الموسيقى لسه أول يوم أهوه، والـ ١٣ أغنية بتوع ألبوم لينا معاد في التريند”.
وتابع: “عايز أقولكم حاجة، عشان كنت أوصل إن ألبومي يدخل التريند كله، وبعيداً عن التريند يعجبكم كده... أنا مشيت مشوار كبير، أوله إني كنت بقرأ كل تعليقاتكم السلبية قبل الإيجابية، لأني عارف إنكم بتحبوني، وده خلاني أركز وأحلف جوا نفسي إني لازم أفرحكم وأخليكم فخورين بالمجهود اللي عملته”.
وأكد: “وتاني حاجة احترمت ذكرياتكم اللي على صوتي، وتعبت تعب مش طبيعي ودخلت مستشفيات نص السنة ومش بحب أقول ولا أنزل أخبار من دي”.
وأشار إلى: “يا جماعة أنا بحبكوا أوي، ومن يوم ظهوري وأنا واحد منكم، عارف إن في ألبومات مكانتش قد توقعاتكم، وإن في ألبومات علامات مش هتتنسي”.
وأوضح: “هي دي الحياة، شوية كده وشوية كده بس عارف مدى حبكم لألبوم عيش بشوقك، فكان جوايا تحدي واحد بس: إني أتحدى نفسي في عيش بشوقك وأتفوق عليه”.
وأكمل: “فضلت إذاكر السوق الغنائي وتغير أنماط الموسيقى اللي أنا بحترمها كلها، وبحترم كل الفنانين اللي نجحوا فيها”.
وأضاف: “فضلت أطور من أدائي، وإذاكر جوا الاستوديو مع مهندسين صوت لمدة سنتين، وأجتهد مع الموزعين والملحنين والشعراء اللي بشتغل معاهم في تقديم أجدد شيء”.
واستطرد: “ويمكن زعلوا مني كثير من كثر ما أنا عمال أغير وأعدل وأعيد من أول وجديد بس دلوقتي فرحتي بالدنيا وهما بيشكروني قدامكم وعلى تليفوني من الإشادات اللي سامعنها منكم في حقهم”.
وأكمل: “اشتغلت الألبوم ده وأنا جوايا عناد رهيب إن الألبوم كله يعجبك، أكيد هيكون في تفاوت في الإعجاب، بس المهم إنكم قدرتوا مجهودي والتنوع اللي قدمته في الأوديو والفيديو”.
ووجه الشكر، قائلا: “متشكر من قلبي لكل حد نصحني، وكل حد نقدني عشان بيحبني، أنا سمعت كلامكم وتعبت أوي وانتوا أكيد شايفين تعبت عشانكم، وعشان برضو أحاول أكون واجهة فنية موسيقية جميلة لمصر، بحكم إني بسافر كتير أغني قصاد العالم، واسمي مطرب مصري عربي”.
واختتم: "شكراً شركة TH، انتجتوا ألبوم كامل محترم، شكراً صناع الألبوم عن... ألبوم لينا معاد 1، وكل الشكر ليكم يا أغلى الناس. ربنا يفرحكم زي ما انتوا مفرحني دلوقتي، بكلامكم الجميل".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
