الخليج داخل بثقله واستثمارات كبيرة في منطقة غير متوقعة.. ياتري اية حكاية الكلام ده .. وآية المنطقة اللي الاستثمارات الخليجية عايزة تدخل فيها.. وهل فعلا دول الخليج عايزة تشتري المناطق المميزة في مصر.
خلال الساعات اللي فاتت في تقارير صحفية اتكلمت عن وصول عرض من تحالف استثمار بيضم شركات سعودية وإماراتية لشراء أرض المعارض بمدينة نصر واللي هيا مملوكة لبنك الاستثمار القومي المصري، الشركة أكدت أن عندها رؤية استثمارية ضخمة لاستغلال أرض المعارض، ورصدت عوائد ضخمة هترجع علي الاقتصاد الوطني في حالة إتمام الصفقة، وفعلا التحالف كاف مستشاره الاقتصادي في مصر علشان يدخل في مشاورات مع الحكومة لحصول التحالف علي قطعة الأرض المحددة.
طيب اية حكاية التحالف ده واشمعني منطقة ارض المعارض اللي طلبها بالتخصيص ؟.
في أكثر من سبب يخلي التخالف الخليجي يقدم طلب علشان يحصلوا علي حقوق انتفاع ارض المعارض بمدينة نصر أولهم موقعها الاستراتيجي، خصوصا أن المنطقة موجودة في مدينة نصر واللي بتعد واحدة من أهم المدن في مصر وقريبة من المطارات زي مطار القاهرة الدولي وكمان قريبة من الطرق ومحطات مترو، والمناطق المهمة في القاهرة، ده غير أنها لها قيمة تجارية وسياحية كبيرة، المكان بيتعمل فيه معارض وفعاليات كبيرة طول السنة، ودي طبعا هيكون لها عوائد استثمارية كبيرة، ده غير أن فيها فرص تطوير عقاري وتجاري كبيرة جدا، وممكن التحالف يحول جزء من المنطقة لمجمعات تجارية وفنادق وأنشطة تجارية تانية هتدخل مليارات الجنيهات.
في الوقت الحالي في مفاوضات موجودة بين التحالف الخليجي ممثل في مستشاره القانوني في مصر مع الحكومة للوصول لصيغة تفاهم بخصوص الإرض اللي عليها العين، وفي حالة الوصول إلي اتفاق التحالف هيعبت عرض رسمي بالتفاصيل اللي تم الاتفاق عليه والعرض المالي المطلوب من الحكومة، وهيقدمه لمجلس الوزراء واللي هيرفعه للقطاع القانوني علشان يدرسه ويقولي رائيه النهائي وكمان يحط شروط وتفاصيل العقد، ولو الموضوع يمس ملكية عامة أو يحتاج تعديل تشريعي، ممكن يروح البرلمان أو يحتاج قوانين وقرارات تنفيذية علشان التخصيص يتم.
بعد الخطوات دي كلها ما تخلص الشئون القانونية في مجلس الوزراء هتبدا تحط بنود وتفاصيل وسيط العقود ومدة الانتفاع والرسوم وشروط إنهاء العقد ووضمانات للعمال والمواطنين، ودي خطوات لازم الحكومة تقوم بيها في اي اتفاق انتفاع أرض حكومية.
في حالة لو الصفقة تمت فالدولة هتاخد مقابل مالي من حق الانتفاع سواء مبلغ سنوي ثابت أو نسبة من الإيرادات، وكمان الحكومة هتطور منطقة مهمة جدا من غير تكلفة، والمستثمر هيضخ مليارات علشان يطور المكان، وهيبني فنادق ومعارض حديثة وخدمات جديدة، وفي الآخر الأرض تفضل ملك للدولة، ده غير أن المشروع سيوفر عدد كبير من فرص العمل للشباب في قطاعات كتيرة مرتبطة بالمشروع بداية من البناء ولحد التشغيل سواء كانت بشكل مباشر أو غير مباشر.
النوع ده من المشروعات هيقدم لمصر ميزة جديدة في نوع مهم من السياحة وهيا سياحة المؤتمرات، وده هيساعد مصر أنها تتحول لمركز إقليمي مهم في سياحة المؤتمرات زي دبي والرياض وده بيمثل دفعة كبيرة لمصر في قطاع السياحة، ده غير أنه هيحسن صورة مصر الاستثمارية، ولما مستثمر كبير زي التحالف الخليجي اللي مرشح يدخل مصر ويعمل مشروع ضخم زي ده، فكده بندي رسالة للعالم أن مصر بيئة استثمارية آمنة وجاذبة، وده هيكون اكبر عامل للترويج عن الفرص الاستثمارية المتاحة في مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
