خرجت خبيرة التجميل مي كمال الدين لتكشف عن سبب إعلانها المفاجئ انفصالها، مشيرة إلى أن ما دفعها لذلك انتشار أنباء عن أنها عروسة أحمد مكي الجديدة، وهذا الشيء اثار تعجبها، خاصة وأنها هي ومكي منفصلين.
طليقة أحمد مكي تكشف سبب اعلان انفصالها
وقالت طليقة أحمد مكي عن سبب اعلان انفصالها في تصريحات رصدها موقع تحيا مصر: السبب اللي خلاني أطلع أقول إني انفصلت عن أحمد مكي، هو إني لاقيت صور وفيديوهات بيتقال فيها إنه بيستعد للزواج مني، وإحنا أصلا كنا متجوزين وانفصلنا، طب إزاي بيستعد للزواج مني وأنا كنت مراته؟ طب الناس اللي كانوا بيشوفونا مع بعض قبل كده هيقولوا عليا إيه؟ عيب الكلام اللي اتقال ده.
وعن سببب اخفاء زواجهم من البداية، قالت طليقة أحمد مكي: كل المقربين مننا عارفين إننا كنا متجوزين، لكن ماكناش مجبرين نعلن ده للناس. وأحمد كان دايما رافض ينشر أي حاجة تخص حياته الشخصية.
طليقة أحمد مكي: لسة بحبه وزعلانة على خسارته بس مش هعاند ربنا
واوضحت طليقة أحمد مكي في حديث مؤثر : أنا بحب أحمد مكي جدا.. والدبلة اللي في إيدي لسه عليها اسمه.. وأنا لسه بحبه وزعلانة جدا على خسارته.. بس مش قادرة أعاند إرادة ربنا.
وسبق أن خرجت طليقة مكي وفتحت النار على أزمتهم، قائلة: أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها.
طليقة أحمد مكي تفتح النار على مشاكلهم
واستكملت: وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها طلبت منه برد جزء من اللي بيحصلي من ناس من طرفه مكنش فيه أي رد فعل منه اكتشف بعد شهور تحديدا يوم عيد ميلاده فيديو ملهوش أي لازمة إن أحمد له علاقة بـ حد معين وبعدها فيديو ينزل ليا بصوري وإن أنا عروسة أحمد مكي.
واستكملت: حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلة أدب من اللي حواليه مرحمتنيش، ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جدًا، إزاي ودي بيني وبينه هو فقط، بعتله إني ساكتة احتراما لوالدته وأخوه الكبير فقط مش أكتر.
