مصر بقت هدف رئيسي للاستثمار الأجنبية.. والمرة دي في عرض سعودي وصل لمصر بقيمة 2.5 مليار دولار.. ياتري اية هو العرض ده وآية الفائدة اللي هترجع الي مصر.. وآية نوع الاستثمارات اللي السعودية عايزة تدخل فيه.
عقود الاستثمار السياحي اللي مصي وقعتها في منطقة رأس الحكمة فتحت شهية العالم كله علي الدخول للسوق المصري، وفي عدد كبير من الدول بدأت تدور في السوق المصري علي المناطق اللي ممكن تدخل فيها، خصوصا أن السوق المصري واعد جدا ومستقبله كبيرة وفي مكاسب مؤكده للمستثمرين.
صفقة الاستثمار السياحي اللي مصر وقعتها مع الإمارات لتنفيذ مشروع سياحي في مدينه راس الحكمة واللي دخلت لمصر إيرادات مباشرة وصلت لـ 35 مليار دولار واللي كانت الحل السحري لتخليص مصر من أزمتها المالية واللي كانت موجودة بسبب نقص العملات الأجنبية في البنوك، ده غير الإيرادات الكبيرة اللي متوقعة للمشروع مع بداية التشغيل، ده غير فرص العمل الكتيرة اللي هيوفرها المشروع للشباب المصري سواء كانت بشكل مباشر أو غير مباشر.
صفقة الاستثمار السياحي في منطقة رأس الحكمة كانت البداية الحقيقية اللي فتحت نفس المستثمرين علي الدخول في السوق المصري، وكان بعدها عدد كبير من الصفقات اللي الدولة وقعتها مع الشركاء في الخارج واللي أهمها صفقة مراسي البحر الاحمر، واللي الدولة وقعتها من كام شهر بقيمة استثمارية وصلت لـ 900 مليون جنية ومدة التنفيذ بتاعته متوقع انها تخلص في 4 سنين.
طيب اية حكاية العرض السعودي الجديد اللي وصل لمصر بخصوص جزيرة القيراطين ؟.
في البداية وقبل اي حاجة لازم نعرف أن جزيرة القيراطين دي تابعة لمركز أوسيم بمحافظة الجيزة، ودي موجودة في وسط نهر النيل، والمياة بتحاوطها من كل إتجاه، ووسيلة التوصيل المتاحة فيها مع الناس علي اليابس هو وسائل العبور العادية واللي هيا عبارة عن المعديات لأنها مش متصلة بكورنيش أو طريق ثابت للنقل.
جزيرة القيراطين دي مشهوره بالزراعة، والسكان هناك مشهورين بزراعة الموز والخضروات والزهور، لكن البنية التحتية هناك ضعيفة لحد كبير، وكل اعتماد أهلها علي الخدمات الأساسية بيكون مربوط بالخروج للمحافظة الجيزة برا .
خلال الساعات اللي فاتت في تقارير صحفية قالت أن مصر وصل لها عرض سعودي لتحويل جزء من جزيرة القيراطين لمركز سياحي عالمي متكامل، الاستثمار الإجمالي اللي اتكلموا عنه حوالى 2.5 مليار دولار، والمشروع بيستهدف يبقى مركز سياحة ترفيهية وعلاجية على مساحة كبيرة من الجزيرة.
التقارير الصحفية قالت أن الخطة المقترح تنفيذها هيبقى على مدار حوالي 90 شهر، وفيه توقعات إن إيرادات التشغيل في أول 5 سنين ممكن توصل تقريبًا 1.4 مليار دولار، والعائد السنوي على رأس المال حوالي 7%، وده طبعا لو الاتفاقات اتنفذت بالشكل المقترح.
المشروع ده لو اتنفذ هيوفر عدد كبير من الوظائف للشباب في قطاعات كتيرة جدا منها السياحة واعمال البناء والتشييد والخدمات، وهيحسن البنية التحتية حوالين النيل، وممكن يجذب سياحة داخلية وخارجية لو اتعمل بشكل محترم.
العرض السعودي اللي وصل مصر لعمل مشروع استثماري علي الجزيرة لسه في مرحلة تفاوض وعروض، وفي مفاوضات موجودة دلوقتي مع جهات معنية، لكن مفيش اي اتفاق رسمي تم بين مصر السعودية للحصول علي حقوق الاستثمار في الجيزة ولا طبيعية الاستثمار اللي ختم ن موجودة عبارة عن اية، لكن الأكيد أن المشروع اللي قدمته السعودية لو لتحقق هيكون خير كبير لمصر والسياحة النيلية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
