سؤال بسيط.. إيه اللي يخلي بلد في العالم تتحول من مجرد سوق ناشئ.. لوجهة استثمارية كبار المستثمرين نفسهم يتسابقوا يدخلوا فيها؟.. وإيه اللي يخلي وكالات عالمية زي فيتش وموديز تراجع أرقامها وتقول: لأ.. البلد دي ما بقتش زي زمان؟
الإجابة مش سهلة.. لكن الأكيد إن مصر دلوقتي واقفة على أعتاب قفزة اقتصادية كبيرة.. قفزة ممكن تغير تصنيفها الائتماني السنة الجاية.
في بعض المؤشرات الواضحة بتقول إن في مراجعة أكتوبر ٢٠٢٥.. فيتش وغيرها من الوكالات العالمية ممكن ترفع تصنيف مصر.
البداية مع مرونة سعر الصرف.. من مارس ٢٠٢٤، مصر عملت خطوة مهمة جدًا، وحدت سعر الصرف، والموضوع مش بس أرقام في البنوك، لأ، ده معناه إن السوق بقى أوضح.، الثقة رجعت.، وتحويلات المصريين في الخارج زادت ٦٦% ووصلت لـ٣٦.٥ مليار دولار.
والصادرات كمان قفزت ٢٢% وسجلت ٢٤.٥ مليار دولار في النصف الأول من العام المالي 2024/2025.، غير السياحة اللي وصلت ٨ مليارات في النص الأول من السنة دي.
ولو بصينا على النمو والاستثمار.. هنلاقيالناتج المحلي لمصر حقق نمو ٤.٨% في الربع التالت، وده أعلى معدل من ٣ سنين، وده معناه إن الاقتصاد بيتحرك صح.
الأهم إن الاستثمارات الأجنبية المباشرة بقت هدف رئيسي، وفيتش نفسها متوقعة تدفقات سنوية توصل لـ١٦.٥ مليار دولار لحد ٢٠٢٦.
ده غير صفقات عملاقة زي مشروع رأس الحكمة بـ٢٤ مليار دولار، اللي رفع الاحتياطي النقدي لـ٤٤.٥ مليار دولار مع نهاية الربع الثالث من 2024، وده يغطي ٨ شهور واردات استراتيجية كاملة.
ولو رحنا على تكلفة التأمين على الديون، هنلاقي تكلفة التأمين على الديون السيادية المصرية نزلت لـ٣.٨%.. وده معناه إن السوق بقى شايف مصر أقل مخاطرة.
وده عنصر أساسي وكالات زي موديز وفيتش بيركّزوا عليه، ومع التوقعات إن التضخم ينزل لـ١٢.٥% بنهاية ٢٠٢٥، وأسعار الفايدة هتتراجع، والنمو هيزيد أكتر.
مؤشرات.. مرونة سعر الصرف، نمو واستثمار متزايد، وانخفاض تكلفة التأمين على الديون.. كل ده بيقول إن مصر داخلة على نقلة كبيرة.
طب يا ترى.. فيتش هتعلن رفع التصنيف في أكتوبر فعلاً؟.. ولو حصل.. ده معناه إيه للاستثمار الأجنبي والدولار في مصر؟.. وهل القفزة دي ممكن تبقى بداية مرحلة مصر فيها تبقى من أسرع الاقتصادات نموًا في المنطقة؟.. شاركنا بتعليقك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
