صعيد مصر يدخل عصر الـ"ميجا بروجكتس".. توقعات أسعار ...

منصات بانكير قدمت النهاردة عدد من التقارير والتحليلات الخاصة في الشأن الاقتصادي والمالي المصري، البداية بتقرير عن صعيد مصر يدخل عصر الـ”ميجا بروجكتس”.. كنز دولارات من الرياح والطاقة الشمسية.

قال التقرير، إن كل العيون دايمًا بتتجه للقاهرة والمدن الكبرى.. لكن النهاردة، الصورة بقت مختلفة تمامًا النهاردة، الصعيد أصبح قلب التنمية الاقتصادية، ومركز للطاقة المتجددة.

واستعرض التقرير، المشروعات اللي اتعملت في قلب الصعيد، واللي منها مشروع "محطة أوبيليسك الشمسية" بنجع حمادي بقن، اللي هتكون واحدة من أكبر محطات الطاقة المتجددة في مصر، واللي هتولد حوالي 1100 ميجاوات من الطاقة، كمن في غرب سوهاج، فيه مشروع طاقة رياح ضخم تحت اسم "مشروع خماسين" اللي هيضم أربع محطات طاقة رياح من أهم الشركات العالمية، وهيعمل قدرة إنتاجية تصل لـ28 جيجاوات، باستثمارات حوالي 30 مليار دولار.

أما بالنسبة للنقل، فيه شبكة قطارات سريعة هتربط الجيزة بأسوان، وهتكون بمثابة شريان حيوي للتنمية.. الخط الأزرق للقطار السريع هيمتد على حوالي 1400 كيلومتر، وهيصل بين المدن الكبرى في الصعيد ويمر بـ36 محطة، ده غير إنه هيساهم في ربط معابد أبو سمبل وأهرامات الجيزة، وهيخلي حركة السياحة أفضل بكتير.. أما في البحر الأحمر، فيه مشروع ضخم اسمه "مراسي ريد"، اللي بيقع غرب الغردقة، واللي هيكون وجهة سياحية عالمية، واللي ده هيوفر 170 ألف فرصة عمل مباشرة.

وأوضح تقرير بانكير، أنه من ناحية الزراعة، فيه مشروع "توشكى الخير" اللي بيهدف لاستصلاح مليون فدان في قلب الصحراء الغربية، أما بالنسبة للطاقة الشمسية، فيه مشروعات ضخمة زي "مجمع بنبان للطاقة الشمسية" في أسوان، اللي يعتبر من أكبر المشاريع في العالم للطاقة الشمسية، ده غير محطة "أبيدوس" اللي هتساهم في توليد 1500 ميجاوات من الطاقة النظيفة..

كمان فيه مشروع "محطة بحيرة ناصر الشمسية" اللي هتكون أكبر محطة شمسية عائمة في العالم.. أما في أسيوط، فيه مشروع "مجمع أنوبك" لتكرير البترول، اللي هيحقق قفزة في تلبية احتياجات السوق المحلية من المنتجات البترولية، ويقلل الاعتماد على الاستيراد.

منصات بانكير قدمت تقرير مختلف النهاردة عن توقعات أسعار الذهب في مصر خلال الساعات المقبلة.

قال التقرير، إن الساعات اللي فاتت أسعار الذهب في مصر وصلت لارقام هيا الاعلي في التاريخ، والجرام عيار 21 سجل أكثر من 5 آلاف جنية للمرة الثانية في التاريخ، وطبعا كل الناس بتسأل عن أسباب الارتفاعات الكبيرة اللي حصلت في الأسعار، وهل الأسعار هتفضل مكملة في الارتفاع كده علي طول ولا في احتمالية أن الأسعار يرجع يحصل فيها انخفاض من جديد.

وأوضح التقرير، أن الأسباب اللي خلت أسعار الذهب ترتفع للأرقام دي، أولها ارتفاع حدة التوترات الجيوسياسية والاقتصادية واللي بقت بين عدد كبير من دول العالم، واللي هيا السبب الأساسي في حركة التوتر اللي موجودة في البورصة العالمية، ده غير الرسوم الجمركية الأمريكية اللي أقرتها البيض الأبيض واللي متوقع انها ترجع أو الإدارة الأمريكية ترجع تطبقها في أي وقت.

وأشار التقرير، إلى أن من الأسباب برضه، هو القرار الأخير للبنك الفيدرالي الأمريكي بخفض أسعار الفائدة والقرارات اللي متوقع صدورها في الوقت اللي جاي بخفض أسعار الفائدة، واي خفص لأسعار الفائدة من البنك الفيدرالي الأمريكي بيكون لها تأثير علي سعر صرف الدولار، وبالتالي الناس في العالم كله بدأت تدور على مجالات الاستثمار الأقل مخاطرة ومفيش أهل من الذهب واللي بيعتبر الملاذ الآمن.

كمان الإقبال الكبير اللي حصل من الناس علي شراء الذهب واتجاه البنوك المركزية لتحويل جزء كبير من احتياطاتها النقدية الي ذهب كان دافع قوي للذهب علشان يحقق زيادات كبيرة في الأسعار، وبالتالي الأسعار العالمية للمعدن الأصفر ارتفعت ولسه مرشحة لزيادة جديدة.

وحدة أبحاث بانكير قدمت تقرير خاص النهاردة عن حكاية المنطقة الاقتصادية في جرجوب.

كشف التقرير، أن الدولة الفترة دي بتتحرك بخطوات كبيرة في موضوع إنشاء مناطق اقتصادية خاصة، وآخر حاجة صدر بيها قرار جمهوري هي منطقة جرجوب، ودي منطقة موجودة في الساحل الشمالي الغربي، على مساحة ضخمة جدا بتوصل لحوالي ٤٠٢ ألف فدان، ودي مساحة تخليك تتكلم عن مدينة متكاملة مش مجرد مشروع.. الخطة اللي شغالة عليها الدولة هدفها تحويل المنطقة أنها تبقي منطقة اقتصادية لها طبيعة خاصة.

وأكد التقرير، أن الميزة اللي موجودة في منطقة جرجوب الاقتصادية هي أنها فيها ميناء خاص وهو ميناء جرجوب البحري اللي الدولة ناوية تطوره، وده هيخليها مركز مهم للتجارة البحرية، وفي ربط بينها بين دول قارات أوروبا وأفريقيا وآسيا.

وأوضح التقرير، أن منطقة جرجوب هتوفر لمصر عدد كبير من فرص العمل للشباب في مصر سواء في مرحلة الإنشاء أو بعد ما المشروعات الصناعية والسياحية تبدأ تشتغل، ده غير أنها بعد ما تجهز هتوفر عدد من فرص العمل للشباب في المجالات الصناعية اللي هتكون فيها، ده غير فرص العمل اللي هتوفرها المنطقة للشباب بطريقة غير مباشرة زي السواقين والمصانع اللي هتصنع الحديد ومواد البناء والعمال اللي هتشتغل في المشروع، وده كله خير علي مصر.