مصر علي موعد جديدة من الاستثمارات المرة دي من سنغافورة.. يا ترى ايه حكاية الاستثمارات دي.. وآية هيا المجالات اللي هتدخل فيها.. وليه سنغافورة عايزة تدخل السوق المصري في الوقت ده.
مصر في الوقت الحالي عندها صيف عزيز جدا وهو رئيس سنغافورة واللي وصل مصر من كام يوم وعقد أكثر من لقاء أهمهم الاجتماع مع الريس عبدالفتاح السيسي، وعدد من وزراء الحكومة، وكمان شارك في منتدي الأعمال المصري السنغافوري، وده بيعد فرصة كويسة جدا لمصر لفتح باب استثمارات جديدة بين البلدين.
طيب اية الفائدة اللي ممكن يحصل فيها تعاون بين مصر وسنغافورة ؟.
الزيارة الحالية للرئيس السنغافوري شهدت توقيع عدد كبير من مذكرات التفاهم وصل عددهم ل 7 مذكرات تفاهم بتغطي مجالات زي الملاحة واللوجيستيات والصحة والزراعة والبحث الزراعي والمشروعات الصغيرة والمتوسط، وحوكمة وتدريب للكوادر الحكومية.
واحد من القطاعات المهمة اللي مصر وقعت فيها مذكرة تفاهم مع سنغافورة هو القطاع البحري والموانئ واللوجيستيات، خصوصا أن المستثمرين السنغافوريين عندهم خبرة كبيرة في الموانئ الذكية وادارة الموانئ، ومصر عندها قنوات وموانئ استراتيجية، وبالتالي السوق المصري هيكون مفتوح قدام الاستثمارات السنغافورية للشراكة وبناء الشركات والمصانع علي أرض مصر.
الاقتصاد الرقمي والتكنولوجيا كان له نصيب كبير من مذكرات التفاهم اللي وقعتها مصر مع سنغافورة خصوصا في مجالات التحول الرقمي والتدريب الفني، وحلول المدن الذكية، خصوصا أن سنغافورة معروفة بإدارتها الذكية وعندها عدد كبير من المدن الرقمية ومصر عندها تطلع لنقل الخبرات الخارجية للسوق المصري.
مجالات الطاقة المتجددة كان لها نصيب مهم من مذكرات التفاهم، خصوصا أن مصر عندها تطلع وخطة لتحويل مصر الي مركز إقليمي لتبادل الطاقة، وكمان جاي بالتزامن مع خطة مصر للتوسع في انشاء محطات للطاقة المتجددة وجاء في إطار خطة مصر للتوسع بالطاقة المتجددة علي الشبكة الموحدة للكهرباء لـ42 في 2030،. بنستهدف زيادة مساعدة الطاقة المتجددة علي الشبكة لـ65% في 2040.
الوقت اللي جاي هيشهد كمان شراكات كبيرة في مجالات الصحة والبحث الطبي،. وهيكون في تعاون بين البلدين في بناء القدرات، وممكن يشمل استثمارات في مستشفيات أو شراكات في تدريب الطاقم الطبي والبحث.
قطاعات الصناعة ودخول الاستثمارات وبناء المصانع كان حضور مهم في مذكرات التفاهم اللي وقعتها الدولة مع سنغافورة، وفي الفترة اللي جاية هنشوف عدد كبير من الشركات والمستثمرين اللي هيدخلوا السوق المصري بعد ما الدولتين اتفقوا علي الخطوط الرئيسية للتعاون، ده غير أن مصر بتقدم تحفيزات وتسهيلات كبيرة جدا لجذب الاستثمارات الأجنبية للسوق المصري، وبالتالي كل مستثمرين العالم عندهم تطلع للدخول للسوق المصري والاستفادة من التسهيلات اللي طرحتها مصر.
خلال الفترة الأخيرة وخصوصا بعد تطور العلاقات بين البلدين، حجم الاستثمارات السنغافورية المباشرة في مصر وصل لـ530 مليون دولار، والتبادل التجاري بين البلدين وصل لـ137 مليون دولار، وتوقيع مذكرات التفاهم هيدي فرصة للبلدين لتوسيع مجالات التفاهم الاقتصادي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
