مسلم يعلن انفصاله عن زوجته بعد أزمته العائلية.. ويؤكد:"مش مسامح أمي ولا إخواتي"

أعلن المطرب مسلم انفصاله عن زوجته يارا تامر، وذلك من خلال رسالة نشرها عبر خاصية "ستوري" على حسابه الرسمي بموقع التواصل الاجتماعي إنستجرام.

انفصال مسلم عن زوجته يارا تامر

وكتب مسلم في رسالته: "تم الطلاق بيني وبين مراتي ودا بسبب مشاكل أهلي وفضحتني قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض. حلمها الوحيد إنها تعيش مبسوطة لا أكتر ولا أقل. مش مسامح أختي ولا أمي ولا إخواتي كلهم على كل حاجة وصلوني ليها. أنا بجد بعد الست دي مفيش ست هتخش حياتي تاني، وشكرًا أوي على الظروف"

وفي وقت سابق، فتحت يارا تامر زوجة مطرب المهرجانات مسلم النار على شقيقته، وذلك بعد تعرضه لأزمة صحية وإصابته بجلطة في الذراع الأيمن. 

يارا تامر تفتح النار على شقيقة مسلم

وخرجت يارا عن صمتها، وذلك من خلال لايف، من خلال حسابها الرسمي عبر موقع تبادل الصور والفيديوهات القصيرة إنستجرام، وقالت: "أنا مش هقولكم اتخاض في شرفي ولا في عرضي .. أنا جبت أخري خلاص من الناس دي .. عارفة أن اللي بعمله ده ممكن يخلي مسلم يطلقني .. عشان هو حالف عليا بالطلاق متكلمش .. بس أنا خلاص مش فارقلي.. أنا كل اللي يفرقلي كرامتي قدام الناس .. أنا ساكته مع أن في أيدي أطلع وافضحها بدلائل .. بس عمالة أقول خلاص يا بت هتسكت". 

وأوضحت زوجة مسلم حديثها قائلة:" كل ما تشوفنا مبسوطين تجيلها حالة نفسية .. عندها مرض اسمه يارا تامر .. أنا معرفش بجد مالها بينا .. كل اللي حصل أني طلعت في فيديو باخد رأي جوزي في أكلي وهو قال أنه ممكن يكون أحلى من أكل مامته .. فيها ايه فين العيب .. هو شايف أن أكل مامته تحفة ومش مصدق أني عرفت أعمل زيه .. هو مشتمش ولا قل أدبه مقالش حاجة غلط .. ومامته نفسها بتكلمه .. لكن هي تطلع وتقول هو بيغلط في ماما ومراته متسواش شبشب ماما.. أنتي ازاي بقى بتحسبني على أمك وتشتمي أمك قدام الناس .. طالعة تشتمي أخوكي وتقولي أنه مش راجل .. أنتي بني أدمة متربتيش والناس كلها مش شايفة حقيقتك". 

تابعت: "أنتي وحشة وزبالة مع كل الناس وسلفتك وأمك .. باين سوادك مع الكل .. أعوذ بالله يا شيخة .. دي بتشتم سلفتي وبتهزقها وبتقول أن جوزها متجوزعليها بالكدب .. عشان الناس بتقول هي ليه بتعمل معاكي كده .. لا هي بتعمل كده مع كله مريضة مرض نفسي من الناس كلها .. بس يارا بس اللي مجنناها وعملالها خرم في دماغها .. راحت جابت بني أدمة زبالة تتكلم عليا وعن شرفي بالكدب .. مافيش كلمة قالتها صح .. عملتا قضية وسكت .. بس مش هسكت تاني هديكم كلكم فوق دماغكم .. أن واثقة في نفسي مليون في ال100 .. آخرهم كلام .. راجل فيكم يقفوا قدام الناس كلها ويواجهني بحاجة عليا .. اللي هيتكلم عن شرفي تاني هطلع أعرفه هو مين". 

وأوضحت يارا تامر ما حدث مع شقيق مسلم، حيث قال: "أخوها محمود طلع امبارح وقال أني شتمته .. نفسي أشوف الشتيمة اللي شتمتها .. كل اللي حصل أنه طلب فلوس من مسلم ومسلم قاله استنى عشان مش شغال دلوقتي .. راح قلب عليه ودخل ينكشني .. ناس جعانة وناس مشافتش بربع جنيه تربية .. مسلم قاعد من الشغل .. أنتوا مبتحسوش أنه عنده بيت واتنين وتلاته وبيصرف عليهم .. أنا مش مقطوع لساني عشان ماخدش حقي .. حتى لو النتيجة أنه يحصل اللي أنتوا عايزينه وهتطلع أنا مش هسكت غير لما أخد حقي".