بعد الحكم بالمؤبد على المتهم في قضية ياسين تلميذ دمنهور".. ليه مفيش إعدام؟ القانون يرد ويكشف السبب

في أولى جلسات المحاكمة، أسدلت محكمة جنايات دمنهور الستار على واحدة من أبشع قضايا الاعتداء على الأطفال، بالحكم بالمؤبد على المتهم صبري ك.ج.ا (79 سنة)، مراقب مالي في مدرسة خاصة، بعد اتهامه بالتعدي على الطفل ياسين داخل أسوار المدرسة.

ليه المتهم ما خدش إعدام؟ وليه المحكمة اكتفت بالمؤبد؟

بحسب القانون المصري، وتحديدًا المادة 267 من قانون العقوبات، بيتم الحكم بالإعدام في قضايا هتك العرض إذا كان الفعل مصحوبًا بالقتل أو خطف أو كان المتهم من أقارب الضحية حتى الدرجة الرابعة.

وفي حالة ياسين، رغم فداحة الجريمة، لم يثبت وجود قتل أو خطف أو صلة قرابة، وبالتالي أقصى عقوبة ممكنة كانت السجن المؤبد.

ما هو السجن بالمؤبد 

السجن المؤبد في القانون المصري معناه إن المتهم يظل محبوس طول حياته ، ومفيش خروج إلا إذا صدر عفو من رئيس الجمهورية بعد قضاء 20 سنة على الأقل .

الأم بطلة الجلسة

أثناء الجلسة، حاول دفاع المتهم الحصول على البراءة، وهنا انهارت والدة الطفل ياسين وطلبت تتكلم بنفسها ان تتحدث  ووقفت بشجاعة قدام القاضي وقالت: “أنا ابني اتكسر، بس مش هسكت عايزة حقه يرجع.

رد الفعل بعد الحكم؟

وقال المحامي  إن الحكم بالمؤبد هو “نصر جزئي” للأم، لكنه كمان رسالة قوية من المحكمة إن جرايم التعدي على الأطفال مش هتعدي، حتى لو المتهم كبير في السن .