تحدث الفنان محمد مهران عن أصعب الفترات التي مر بها في حياته، مستفيضًا عن تفاصيل معاناة والده مع المرض، وأمنيته التي يتمنى تحقيقها، وأكد أن عقله بدأ في نسيان بعض الاشياء مؤخرا.
محمد مهران عن وفاة والده: عانى من الكانسر مرتين
وقال محمد مهران خلال استضافته في بودكاست "وفيها إيه؟!" المشاريع على منصة "ستوري بالعربي" ورصدخ موقع تحيا مصر: نفسي أشيل مشهد وفاة والدي من حياتي؛ لأنه عانى من مرض الكانسر مرتين، الأولى بعد رجوعه من السعودية لأنه كان بيشتغل هناك في فترة بعد وفاة والدتي، والمرة التانية بعد ١٠ سنين قبل ما رًا ينسى حاجات، زي المواقف الصعبة القاسية الناس بتفكرني بيها، فعليًا بدون أي كدب مببقاش فاكرها فأعتقد إن أمنيتي في حذف مشهد وفترة معاناة والدي بدأت تتحقق شوية لأن فيه بعض الأحداث بتتشال من ذاكرتي وعقلي مش بيبقى فاكرها خالص.
وأشار مهران إلى أنه يفتقد لأجواء اجتماع والده بحفيده زين، قائلًا: مفتقد فكرة إن والدي يقعد فترة أطول مع زين ابني، كان نفسي يبقى مع حفيده، وزين بيقولي جدو وحشني أوي.
محمد مهران يكشف كواليس تصوير مسلسل المداح
وتحدث الفنان محمد مهران عن كواليس لأول مرة تخص أعماله الأخيرة، من بينهم مسلسل المداح والذي قال فيه: التعاون مع حمادة هلال وكل فريق مسلسل المداح جميل، بتحس إنك داخل وسط عيلة.
كما حسم محمد مهران التساؤلات وجدل تعرضه لأي مواقف مرعبة في كواليس مسلسل المداح، وقال: «مسلسل عادي زي أي مسلسل مريت به مفيش أي موقف معايا بشكل شخصي حصل فيه حاجة غريبة أقدر أذكرها، بالعكس حتى كنا بنصور داخل مغارة شبه مهجورة جوه الجبل في قنا في الجزء الثالث، وأنا في العادي مش بخاف من الكلام والحاجات دي عمومًا.
كيف يتعامل محمد مهران مع الانتقادات
وبشأن تعامله مع الانتقادات، قال محمد مهران: مش دايمًا بتظهر لي الانتقادات قوي ولما بيظهر النقد سواء من شخص مشاهد أو متلقي أو من شخص ناقد ولديه وعي بقرأه سواء على دوري أو على المسلسل بشكل عام وأفلتر كل الكلام وآخد اللي يفيدني سواء حد بيتفرج كتب كومنت أو كتب بوست أو عمل فيديو أو أيا ما يكون بسمعه، لأن عملية النقد عملية مهمة جدًا، يعني فيه قسم عندنا في معهد الفنون المسرحية اسمه النقد والدراما وإحنا جزء من دراستنا في قسم التمثيل والإخراج ندرس النقد، وسواء جه بالفطرة أو عن دراسة شيء مهم قوي لازم تسمعه وتعرف تنتقي منه الحاجات اللي تفيدك مش تاخده على صدرك زي ما بنقول كده، أي رأي نقدي تقرأه لا تتعالى عليه، وأوقات كتير في اللوكيشن أحب أسأل المخرج أنت شايف حاجة؟ أو الناس اللي بتتفرج شايفين حاجة محتاجة تتعمل بس الرأي الأول للمخرج يعني لأنه صانع العمل، فالنقد ده تحب تسمعه عشان تعدل وتطور من نفسك.
وأضاف: أحلى حاجة بحبها في المهنة بتاعتنا المذاكرة، شيء ممتع وأوقات تفضل تذاكر تذاكر تذاكر وتلاقي اللي أنت استخدمته من المذاكرة دي نسبة مش كبيرة أوقات ساعات بتحصل، بس رحلة المذاكرة والبحث في العالم ده وإنك تعرف الناس دي بتتكلم إزاي أو الشخصية اللي أنت بتعملها، دي رحلة ممتعة.
