CIB.. رحلة نجاح بدأت من 50 سنة ولسه مكملة - غاية السعودية

غاية السعودية يكتُب.. الرحلة… ما بتبدأش فجأة.. حلم صغير.. فكرة بتتشكل في هدوء.. وتكبر مع الوقت… ومع الثقة.

سنة 1975، كان فيه ناس بتحلم… وكان لازم يبقى فيه شريك.. شريك يسمع، يفهم، ويشيل معاهم الطريق.. وكانت دي بداية CIB.

من أول حساب، لأول مشروع… لأول نجاح، كان CIB موجود.

موجود مش بس كخدمة، لكن كضهر… وسند.

خلال 50 سنة البنك حقق إنجازات كتير.. وعمل تاريخ من القصص والنجاجات اللي بيبني عليها لبكرة والمستقبل.

من البداية.. CIB اختار يمشي غير كل الناس.. ما استناش الفرصة… لكن صنعها.

50 سنة البنك كان بيشتغل في صمت.. وشعاره دايما العظماء بس هم اللي يعرفوا معنى الخطوة الهادية.
كل قرار خده كان محسوب بدقة، وكل خطوة مشي فيها كان وراها تفكير طويل.

CIB مش بنك عادي.. ده بنك العظماء.
مش بس بيعرف يحسب، ده بيعرف يحلم، ويتحرك صح، ويغير قواعد اللعبة لما الوقت يسمح.. عشان كده تلاقيه بنك سابق غيره بسنين كتير.

هو أول بنك مصري يحصل على تصنيف ESG من موديز.

دايما موجود في قائمة أفضل 100 شركة في الشرق الأوسط.

ده غير جوائز عالمية تانية في الحوكمة والاستدامة.

الحكاية عنده عمرها ما كانت عن أرقام بس.. الحكاية دايمًا عن الناس عن مبادرات بتدعم التعليم،  وبرامج بتمكّن الشباب، ومشروعات تمويل بتغير حياة ست بسيطة في قرية صغيرة.

CIB دلوقتي ما بقاش مجرد بنك.. بقى منصة للثقة.. وللاستثمار في الإنسان.. وفي الابتكار داخل مصر وخارجها.
خطته دايمًا بعيدة الأمد… ورؤيته بتبني سنين لقدّام.

اللي بدأ من 50 سنة، لسه بيبدأ من جديد.. كل يوم، مع عميل جديد، وفرصة جديدة، وطموح أكبر.