باب دولاري جديد مصر بتعمله من الصادرات علشان نوصل للرقم الأهم والمستهدف في 2030 بتحقيق 140 مليار دولار.. ياتري مصر هتوصل للرقم ده ازاي.. الحكومة مستهدفة تحقيق زيادة سنوية في الصادرات سنويا كام.. واية القطاعات اللي هنركز عليها في الصادرات.
الصادرات واحدة من أهم الحاجات اللي البرنامج الاقتصادي المصري مركز عليها في خطة إعادة بناء الاقتصاد المصري، خصوصا أن الوقت اللي فات الحكومة عملت شغل جامد جدا في ملف العامة احياء الصناعة وتشغيل المصانع اللي كانت توقفت عن العمل، ده غير التحفيزات والتسهيلات الحكومية الكبيرة اللي قدمتها الدولة للمستثمرين والقطاع الخاص، لجذب كل انواع الاستثمارات للسوق المصري بهدف سد احتياجات السوق المحلي والتصدير للخارج.
خطة مصر لزيادة الصادرات الي الخارج فيها أكثر من جزء، الجزء الاهم فيها كان أعادة احياء الصناعات في السوق المصري وده الحقوق حققت فيها معدلات كويسة جدا، وطبعا مفيش صناعة من غير صادرات وهنا الحكومة عملت جهود دبلوماسية كبيرة جدا لفتح كل اسواق العالم قدام الصادرات المصرية، ده غير التخفيضات والتحفيزات الجمركية اللي قدمتها الحكومة لتحفيز المستثمرين علي التصدير .
طيب إزاي الحكومة هتحقق 140 مليار دولار من الصادرات والزيادة المستهدفة سنويا بتوصل لكام؟.
الحكومة بتستهدف تحقيق نمو سنوي في الصادرات مش هيقل عن 20% في الفترة من 2024 إلى 2030، وده واحد من الأهداف الرئيسية في الاستراتيجية الاقتصادية واللي ويستهدف الوصول بعائدات الصادرات المصرية الي 140 مليار دولار في 2030.
المجلس التجاري المصري بيستهدف الوصول بالصادرات لـ 48 مليار دولار بنهاية 2025، بزيادة 20% السنة اللي فاتت، وعلشان نوصل للنسب المستهدفة دي فالدولة ركزت علي تطبيق سياسات تصدير مرنة وغير تقليدية لرفع مرونة الصادرات، وركزنا كمان الي زيادة الصادرات في القطاعات الاستثمارية ذات القيمة العالية زي الملابس الجاهزة والنسيج والطاقة المتجددة والصناعات الطبية والهندسية والسيارات والتطوير العقاري والكيماويات.
في الوقت اللي الدولة مركزة فيه علي زيادة الصادرات، الحكومة بروضوا اشتغلت علي حاجة مهمة جدا وهيا تطوير القطاع الصناعي غير البترولي لرفع مساهمته من إجمالي الصادرات، ده غير الشغل اللي اتعمل لتنمية المناطق الصناعية، والدولة نجحت أنها ترفع عدد المناطق الصناعية من 121 إلى 147 منطقة صناعية لحد نهاية 2024، ده غير أنها وفرت تسهيلات مالية زي برنامج تمويل مستثمري الصناعة بقيمة 30 مليار جنيه لشراء آلات وخطوط إنتاج .
في صناعة مهمة جدا الدولة ركزت عليها خلال الوقت اللي فات وهيا صناعة الأسمنت والأسمدة والكيميائيات، واللي صادراتهم ارتفعت بنسبة 350% عن الرقم اللي كانت عليه في 2019، مدعومة بأسعار غاز طبيعية ثابتة ومشاريع بنية تحتية ضخمة .
الصادرات الزراعية هيت كمان كان عليها اهتمام كبير جدا في خطة زيادة الصادرات المصرية، والدولة بتستهدف تحقيق نمو سنوي بيوصل لـ 20% بدعم التوسع الزراعي في الدلتا الجديدة، والدولة بتستهدف الوصول بالصادرات الزراعية والصناعات غذائية لـ 19 مليار دولار في 2030 .
خطة مصر لزيادة الصادرات المصرية بنسبة 20% سنويا قائمة بشكل كبير علي تشجيع التصدير لأسواق جديدة، والتركيز على الأسواق الآسيوية زي الصين واليابان وفيتنام والفلبين دول أمريكا اللاتينية زي البرازيل والأرجنتين، ده غير فتح طرق تصدير جديدة لدول أفريقيا واللي عليها عامل كبير في خطة زيادة الصادرات المصرية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
