حرصت الإعلامية داليا فرج، طليقة المخرج سامح عبد العزيز على توديعه بكلمات مؤثرة وذلك من خلال منشور كتبته عبر حسابها الرسمي بموقع التواصل الاجتماعي فيسبوك.
طليقة سامح عبد العزيز تودعه بكلمات مؤثرة
وقالت طليقة سامح عبد العزيز في منشور رصده موقع تحيا مصر: اللى بينا حاجة مافيش غيرنا فاهمها ...فاهمين تفاصيل بعض ..بنفهم بعض من نظرة ...نتخانق بقى ...نزعل... نحلف ما انكلم بعض تانى تقريبا نص الصيام اللى بصومه رايح على الحلفان واول ما تكلمنى أنسى وأصالحك على طول علشان عارفة ان قلبك طيب ...بيبى كبير و ضخم.
وتابعت: وعلشان اللى جوانا بتاعنا احنا وبس ...مش حاجة ممكن تفهموها او تسموها ...لينا تأثير قوى على بعض ..فيه حته جوة كل واحد فينا للتانى خاصة و مختلفة ....عشرة عمرى ...حبيبى .ابو بناتى . .رغم انك مشيت بس اللى مريحنى ان اخر ٢٠ يوم كنا مع بعض كلنا.على طول.
طليقة سامح عبد العزيز: نفسي انام وأصحى الاقي ده كابوس
واختتمت طليقة سامح عبد العزيز حديثها: يا رب ما اكونش قصرت فى حقك ...هتوحشنى اوى يا حبيبى يا غالى زى ما كنت باقولك دايما انت الغالى و ترد حبيبتى ...مش مصدقة إنى باقولها ربنا يرحمك يا حبيبى و يسكنك فسيح جناته و يقدرني على المسئولية ...نفسى انام وأصحى ألاقى ده كابوس و مش حقيقى . ..بدرى أوى أوى يا حبيبى ... لا إله إلا الله...لا إله إلاالله.. هتوحشنى يا موحه.
يذكر، أن الفنانة روبي أيضا، قد ودعت طليقها سامح عبد العزيز هي الأخرى، حيث كتبت: إن لله و إنا اليه راجعون ، توفى إلى رحمة الله تعالى المخرج الكبير سامح عبد العزيز اللهم ارحمه واغفر له و اعفو عنه و اکرم نزله ووسع مدخله و اغسله بالماء والثلج والبرد.
وفاة سامح عبد العزيز
وكان قد رحل سامح بعد العزيز عن عالمنا بعد تعرضه لتسمم في الدم أدى إلى دخوله في غيبوبة لعدة أيام وسرعان ما تدهجورت صحته بشكل مفاجئ ما أدى إلى رحيله عن عالمنا في صباح يوم الخميس.
