مصر هتتحول لمركز إقليمي لصناعة الذهب .. والذهب المصر هيوصل لكل مكان في العالم .. ياتري ده هيحصل ازاي .. واية هيا خطة مصر للتحول لمركز إقليمي لصناعة الذهب .. ومستهدفات مصر من الصناعة دي كام.
الذهب واحدة من الصناعات اللي بقت عليها تركيز كبير جدا من الحكومة،. الحكومة خطت خطة لتحويل مصر لمركز إقليمي لصناعة الذهب .. وفعلا الدولة بدأت تنفذ خطتها وعدلت عدد كبير من التشريعات واللي الهدف منها تسهيل دخول المستثمرين والقطاع الخاص للسوق المصري، والعمل في مجالات التنقيب والبحث عن الذهب، وكمان التوسع في صناعته وإنتاج المشغولات المختلفة منه.
طيب إزاي مصر هتتحول لمركز إقليمي لصناعة الذهب ؟.
في خطوات مهمة جدا الدولة بدأت تأخذها علشان تتحول لمركز إقليمي لصناعة الذهب، أولهم خطوة إنشاء مصفاة ذهب محلية معتمدة دوليا، ودي خطوة الهدف منها هو تخفيض الاعتماد على الخارج، وهيكون لها دور كبير في ضبط جودة الذهب محليا ودوليا في صادرات المشغولات الذهبية.
في خطوة مهمة جدا الدولة بدأت فيها، وهيا التوجيه الرئاسي بإنشاء مدينة الذهب في العاصمة الإدارية واللي هتشمل 400 ورشة فنية و 150 ورشة تعليمية ومدرسة صناعية، ده غير أنها هتشمل مركز لوجستي ومتحف وفنادق ومرافق خدمية للنزلاء اللي جايين بعرض الاستثمار والتجارة في المشغولات الذهبية.
مصر في الوقت الحالي عندها هدف بتحقيق نمو سنوي مش هيقل عن 15% في صادرات المشغولات الذهبية، والحكومة في الوقت الحالي خطت خطة لزيادة معدلات النمو الي 25% لحد 2030، وعلشان نوصل للهدف ده الحكومة استهدفت عمل تعديلات قانونية كتيرة أهمها تعديل قانون الثروة التعدينية لتسهيل الاستثمار، وطرح مناطق واعدة زي الصحراء الشرقية للمستثمرين، واكتشاف احتياطي بيقدر بمليون أوقية الذهب بنسبة استخلاص 95%.
المحطة كمان حطت خطة وطنية للتعدين حتى 2040 بتتركيز على تعظيم القيمة المضافة محليا، وجذب الاستثمارات الأجنبية والمحلية، وتوسيع مجمعات التصنيع داخل مصر، ده غير الخطوات اللي أخذتها الدولة لعمل إصلاحات إلكترونية وتنظيمية زي انشاء منصة تعدين رقمية، وتحويل هيئة الموارد المعدنية إلى كيان اقتصادي، وتسهيل حصول المستثمرين على التراخيص.
الشغل اللي قامت بيه الحكومة علي مدار الشهور اللي فاتت خلي مصر تقدمت في تصنيف الدول المصدرة للذهب من المركز 94 عالميا في 2022 للمركز 54 في 2023، وحاليا الدولة بتطمح للدخول في قائمة أكبر 10 دول مصدرة للمشغولات الذهبية في 2027.
صادرات مصر من الذهب حقق طفرة كبيرة بنسبة 194% في النصف الأول من 2025، ووصلت إيرادات مصر من صادرات المشغولات الذهبية الي3.9 مليار دولار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
