الوزير لما اجتمع مع مديري المدارس الثانوية، بصراحة عمل خطوة قوية وجوهرية لأول مرة بيبان إن في نية حقيقية إنهم يسمعوا من الناس اللي في قلب الميدان، واللي عارفين أدق تفاصيل المشاكل اليومية.
الرقابه الدوريه للتنفيز الحقيقي
وهم القادرين على تفعيل الحلول بشكل عملى وسريع مع الرقابه الدوريه للتنفيز الحقيقي
اللقاء في حد ذاته علامة إيجابية كبيرة، وبيأكد إن الوزير شايف المديرين أساسية مش مجرد بتنقلوا أوامر وخلاص. ودي نقطة تحسب له
، لأنها بتدي ثقة وثقل للمديرين، وفى فرق بين بيأدى عمله وخلاص وبين حاسس ان الوزاره مقدراه وبتخليهم شركاء في وضع الحلول بدل ما يكونوا مجرد منفذين.
لكن برضه.. ما نقدرش نتجاهل إن اللقاء جه متأخر شوية. وكنا نتمنى من الأول يكون في مساحة أوسع تضم المدرسين وأولياء الأمور، خصوصا مع حالة اللغط اللي حصلت حوالين نظام البكالوريا لان عدد كبير من المعلمين والمديرين نفسهم ماكانش عندهم تفاصيل دقيقة للنظام الجديد وده انعكس طبيعي على الناس كلها.
يعني بصراحة.. الحوار كان لازم يبقى أوسع من كده: الوزير + المديرين + المدرسين + أولياء الأمور = صورة كاملة. ولو ده حصل كان كتير من التساؤلات اتجاوب عليها من بدري.
لكن ما لا يدرك كله لا يترك كله
طيب الان ما يجب او ما نتمنى فعله هو
لازم الوزارة تدي للمدرسين تدريبات واضحة وورش عمل علشان يفهموا النظام الجديد على أرض الواقع، بكل شفافيه
كمان مطلوب خطة إعلامية مبسطة توصل للطلاب والأهالي، بلغة سهلة مبسطه تصل للجميع بسهوله
الحلو في الموضوع إن الوزير باين إنه بيتعامل بواقعية أكتر وبيشارك المديرين في القرار، ودي بداية كويسة.
بس يا ريت يكون فيه متابعة مستمرة للتنفيز للخطط المطروحه والحلول على أرض الواقع فالتنفيز دائما هو عنوان النجاح
ويكمل ده بإنه يديهم صلاحيات حقيقية وأدوات تساعدهم على التنفيذ.لكن صلاحيات +رقابه
الناس كلها مستنية عام دراسي مختلف ومنضبط... واللي يدي أمل إن الخطوة دي تكون بداية لتغيير حقيقي الناس تشعر بيه على أرض الواقع وفى حاله ولادها
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
