في صدمة كبيرة هتحصل للمواطنين في الربع الأخير من 2025، الصدمة هتشمل الشعب المصري كله مش طائفة معينة.. ياتري اية هيا الصدمة دي .. اية تأثيرها علي المواطنين.
زيادة الأسعار واحدة من الحاجات اللي بتكون مش سعيده للمواطنين خصوصا أن أغلبنا بيعيش ظروف اقتصادية صعبة بسبب الزيادة اللي حصلت في أسعار الصرف واللي أثرت وقللت الدخل لكل مواطن مصري بسبب الارتفاع اللي حصل في الأسعار، والحكومة من وقت للتاني بتلجا لزيادة الاسعار بشكل تدريجي خصوصا في قطاعات المواد البترولية واسعار شرائح الكهرباء.
لازم نكون عارفين ان الحكومة عندها التزام دولي مع صندوق النقد الدولي برفع الدعم عن السلع والخدمات اللي يتقدمها للمواطنين، ده غير الزيادات الطبيعية اللي حصلت وهتحصل في أسعار صرف العملات الأجنبية مقابل الجنيه المصري وده بسبب ان اغلب الحاجات والخدمات اللي بتقدمها الحكومة للمواطنين بيدخل فيها نسبة كبيرة من الواردات اللي بتكون بالدولار وبالتالي أسعاره بترتفع عالميا والحكومة بتلجا لزيادته أسعاره محليا علشان يكون متناسب مع الزيادة اللي حصلت في سعره العالمي.
طيب اية الصدمه اللي هتكون من الحكومة للمواطنين في الربع الأخير من 2025؟.
الفترة اللي جاية الحكومة هتلجا لزيادة أسعار شرائح الكهرباء والزيادة المقترحة اللي جهاز تنظيم مرفق الكهرباء وحماية المستهلك انتهي من اعداداها ورفعها لوزارة الكهرباء والطاقة المتجددة لاعتمادها ورفعها الي مجلس الوزراء واللي هو هيكون صاحب القرار النهائي في اعتمادها واو تأجيل العمل بيها، بتتصمن سيناريوهين أولهم إقرار الأسعار الجديدة لشرائح الكهرباء اعتبارا من شهر سبتمبر اللي جاية وهيكون تحصيلها مع فاتورة شهر أكتوبر، والسيناريو التاني بينص علي تأجيل الزيادات الجديدة في أسعار شرائح الكهرباء لبعد الانتخابات البرلمانية اللي هتكون في شهرين اكتوبر ونوفمبر القادمين.
الخطة الجدة لزيادات اسعار شرائح الكهرباء بتتضمن إقرار زيادات علي شرائح الاستهلاك المنزلي للكهرباء من 15 الي 30%، وهتوصل الزيادة المقترحة ل45% علي الشريحة السابعة واللي هيا بتكون استهلاكها اعلي من 1000 كيلووات والشريحة دي الدولة بتحاسبها بالسعر الرسمي للإنتاج واللي حاليا بيوصل ل 223 قرش.
وزي ما إحنا عارفين ان عندما في مصر قطاع الكهرباء شغال في استهلاك الكهرباء بنظام الشرائح وعددهم 7 والشريحة الاولي دي إستهلاكها من صفر ل 50 كيلووات ودي بتتحاسب بسعر 68 قرش للكيلووات، والشريحة الثانية دي من 51 الي 100 كيلووات ودي بتتحاسب بسعر 78 قرش للكيلووات، والشريحة الثالثة دي من صفر الي 200 كيلووات ودي بتتحاسب بسعر 95 قرشا، والشريحة الرابعة ودي من 201 إلى 350 كيلووات ودي بتتحاسب بسعر 155 قرش، والشريحة الخامسة ودي من 351 إلى 650 كيلووات وبتتحاسب بسعر 195 قرش والشريحة السادسة ودي من 0 إلى 1000 كيلووات ودي بتتحاسب بسعر 210 قروش والشريحة السابعة والاخير ودي لأكثر من 1000 كيلووات ودي بتتحاسب بسعر 223 قرش.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
