في قلق كبير جدا موجود في الشارع المصري خصوصا بعد تصديق الرئيس عبد الفتاح السيسي علي قانون الإيجار القديم.. يا ترى ازاي الحكومة هتتصرف مع مستاجري الإيجار القديم.. وهل الدولة هترمي المستأجرين في الشارع.
كلام كتير منتشر حاليا في الشارع المصري عن قانون الإيجار القديم واللي خلاص بقي نص قانون موجودة ومعمول به في الدولة المصرية والمحاكم المختلفة، والقانون الجديد لغي العمل بكل القوانين اللي كانت موجودة قبل كده.
من وقت مناقشة مشروع قانون تعديل الإيجار القديمة مجلس النواب، وفي كلام كتير منتشر في الشارع المصري أزاي الحكومة هتتعامل مع مستأجري الإيجار القديم، واية الوحدات البديلة اللي هتوفرها الدولة للمواطنين، والوحدات دي موجودة فين، واية خطوات التقديم عليها واسعارها وشروطها اية.
طيب ازاي الحكومة هتوفر وحدات بديلة لمستأجري الايجار القديم؟.
حكومة الدكتور مصطفي مدبولي جددت تعهدها بشكل واضح بتوفير وحدات سكنية بديله للمتضررين من انتهاء العلاقة الإيجارية بين المالك والمستأجر وده في ضوء المدة اللي حددها قانون الإيجار القديم.
وزير الإسكان والمرافق والمجتمعات العمرانية شريف الشربيني، أعلن خريطة متكاملة للوحدات البديلة للمتضريين من قانون الإيجار القديم سواء اللي تم تنفيذها أو مخطط تنفيذها في عدد من المدن الجديدة والمحافظات واللي بتعكس التزام الحكومة بتوفير سكن لائق في مناطق كاملة المرافق، وأكد استعداد الحكومة للتوسع في البناء وفقا للاحتياج الفعلي.
الوحدات البديلة اللي وفرتها الحكمة هتكون باجمالي 238 الف و 109 وحدة سكنية، منهم 110 الف و 82 وحدة نفذتها هيئة المجتمعات العمرانيةت و 128 الف و 27 وحدة نفذتها جهات تانية بأنماط مختلفه منها اللي منخفض ومتوسط وفوق متوسط والفاخر.
وزارة الإسكان قالت ان كل الوحدات المتاحة هتكون في مناطق مأهوله بالسكان وشامله جميع المرافق في مدن العبور والسلام والسويس الجديدة والقاهرة الجديدة والمنصورة الجديدة ومدن هيئة المجتمعات خصوصا في مشروع ديارنا.
أما بقي الناس اللي بتسال علي الوحدات المطروحة في المحافظات فدي هتكون موجودة في الإسماعيلية الجديدة باجمالي 12720 وحدة، ومشروع أهالينا في جسر السويس: بأجمالي 304 وحدة، ومشروع سكن أهل مصر بمدينة السلام بإجمالي 25684 ألف وحدة سكنية،و بشائر الخير 2 و3 و5 بالإسكندرية بأجمالي 3000 وحدةن وهيوصل أجمالي عدد الوحدات المطروحة في المحافظات لـ128 وحدة.
الحكومة كمان أعلنت عن تخصيص أرض لتجهيز وحدات بديلة لمستأجري الايجار القديم باجمالي 2200 فدان تم تحديدها لإنشاء وحدات بديلة جاهزة للبناء حال الحاجة لوحدات إضافية، والبناء الجديد هيكون في مدن جديدة وأراضي حددتها وزارة التنمية المحلية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
