اللي يقولك مصر فيها أزمة دولار.. خليه يشوف التقرير ده - غاية السعودية
غاية السعودية يكتُب.. يا ترى ايه سر ارتفاع احتياطي النقد الأجنبي لمصر إلى 48.7 مليار دولار بنهاية يونيو 2025 .. وايه أهمية الكلام ده. و وازاى الاحتياطي تطور فى 2025 .. وايه اهمية الاحتياطي أصلا.. وبيتكون من إيه؟
البنك المركزي المصري كشف عن خبر مهم جدًا ومفرح .. إن صافي الاحتياطيات الدولية وصل لـ 48.700 مليار دولار بنهاية يونيو 2025 .. وده رقم قياسي ومهم جدًا .. خصوصا لما نعرف إنه كان 48.526 مليار دولار بس في نهاية مايو 2025 .. يعني زاد حوالي 174 مليون دولار في شهر واحد.
فى البداية كده .. الاحتياطي الأجنبي ده يا جماعة .. عامل زي الخزنة اللي فيها فلوس البلد بالعملات الصعبة .. يعني مش جنيهات مصرية .. لأ دي دولارات ويورو وجنيه إسترليني وغيره.
ليه بقى الاحتياطي ده مهم أوي كده؟ وليه كل دولة بتحاول تزوده؟
الوظيفة الأساسية للاحتياطي هي إنه بيوفر العملة الصعبة اللي بنستورد بيها السلع الأساسية اللي بنحتاجها كل يوم .. زي القمح والدواء ومستلزمات الإنتاج .. تخيل لو مفيش دولارات كفاية عشان نستورد الحاجات دي .. الحياة هتقف حرفيًا ..
وطبعا أي دولة عليها ديون لازم تسددها .. أقساط وفوائد .. والديون دي بتتسدد بالعملة الصعبة .. فالاحتياطي ده هو اللي بيخلي مصر قادرة على الوفاء بالتزاماتها تجاه الدائنين الدوليين .. وده بيحافظ على سمعة البلد الائتمانية .. وبيشجع المستثمرين إنهم يتعاملوا معانا ..
و الاحتياطي ده هو خط الدفاع الأول وقت الأزمات .. لو حصلت أي ظروف استثنائية .. زي تراجع موارد السياحة أو تراجع تحويلات المصريين في الخارج .. الاحتياطي بيشتغل كـ"بافر" أو وسادة أمان .. بيخلي البلد تقدر تصمد وتواجه التحديات دي من غير ما تتأثر بشكل كبير ..
و لما الاحتياطي يكون قوي .. ده بيدي البنك المركزي قدرة أكبر على إدارة سعر صرف الجنيه المصري قدام العملات الأجنبية .. يعني لو حصل أي ضغط على الجنيه .. البنك المركزي ممكن يتدخل من الاحتياطي عشان يحافظ على استقراره .. وده بيقلل من التضخم وبيحافظ على القوة الشرائية للمواطن.
طب الاحتياطي ده بيتكون من إيه؟
الاحتياطي ده مش مجرد دولارات وخلاص .. لأ ده سلة متنوعة من العملات الدولية الرئيسية .. عشان ما نعتمدش على عملة واحدة بس .. وده بيقلل المخاطر .. السلة دي بتشمل ..الدولار الأمريكي .. اليورو .. الجنيه الإسترليني .. الين الياباني.. اليوان الصيني
بالإضافة لكده .. جزء من الاحتياطي بيكون في صورة دهب .. والنسب دي كلها بتتوزع بناءً على أسعار الصرف واستقرار العملات دي في الأسواق الدولية .. وكل ده بيتم بخطة موضوعة ومدروسة من مسؤولي البنك المركزي المصري.
تعالوا بقى نشوف إزاي الاحتياطي ده قدر يحقق القفزة دي خلال النصف الأول من سنة 2025 .. الأرقام بتحكي قصة نجاح ..
فى ديسمبر 2024 الاحتياطي كان 47.109 مليار دولار.
وفى يناير 2025 طلع لـ 47.265 مليار دولار .. بزيادة 156 مليون دولار في شهر واحد.
أما غى فبراير 2025 فكمل صعوده ووصل لـ 47.394 مليار دولار .. زيادة 129 مليون دولار.
وفى مارس 2025 .. الزيادة تسارعت بشكل ملحوظ .. وصل لـ 47.757 مليار دولار .. بزيادة 363 مليون دولار .. ودي كانت أعلى وتيرة نمو شهرية من بداية السنة.
وفى أبريل 2025 استمر التفاؤل والنمو .. وصل لـ 48.144 مليار دولار .. بزيادة 387 مليون دولار.
وفي مايو 2025 الاحتياطي سجل 48.526 مليار دولار .. بزيادة 382 مليون دولار.
أما فى يونيو 2025 فوصل لأعلى مستوى ليه من بداية الفترة كلها .. 48.700 مليار دولار .. بزيادة 174 مليون دولار عن مايو.
يعني الإجمالي في الست شهور دول .. زاد الاحتياطي بحوالي 1.591 مليار دولار .. بنسبة نمو حوالي 3.37% .. وده نمو ملحوظ جدًا .. وبيوضح إن فيه تدفقات نقدية قوية دخلت البلد .. سواء من استثمارات .. أو سياحة .. أو تحويلات مصريين .. أو حتى قروض ومساعدات خارجية.
كُنا قد تحدثنا في خبر اللي يقولك مصر فيها أزمة دولار.. خليه يشوف التقرير ده - غاية السعودية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية السعودية الالكتروني.
