ملف الطاقة واخد من الملفات اللي عليها عبئ كبير في بناء البرنامج الاقتصادي المصري .. ياتري ازاي الدولة بتتحرك في الملف ده.. وآية هيا خطط الحكومة لمنع وجود أزمات جديد في قطاعات الطاقة.
السنين اللي فاتت قطاع الكهرباء والطاقة شهد تحديدات كبيرة جدا علي مستوي توفير التغذية الكهربائية لكل القطاعات خصوصا في ظل النقص الكبير اللي موجود في مجالات توفير احتياجات محطات توليد الكهرباء من الغاز الطبيعي والمازوت واللي بسببهم مصر شهدت علي مدار 2023 أزمة كبيرة جدا في توفير الطاقة اللازمة واللي علي أساسها الدولة لجأت الي تنفيذ خطة لتخفيف الأحمال وقطع الكهرباء عن اغلب محافظات الجمهورية واللي بدأت بساعة وبعدين وصلت لساعتين وفي بعض الأحيان وصلت لأكثر من 3 ساعات.
الطفرة الاقتصادية الكبيرة اللي موجودة في مصر السبب الرئيسي فيها هي الشغل الكبير اللي قامت بيه الدولة لتطوير البنية التحتية واللي شملت توسيع شبكة الكهرباء القومية وإنشاء محطات جديدة بكفاءة عالية زي محطة كهرباء بني سويف والبرلس والعاصمة الإدارية الجديدة، بالتعاون مع كبري الشركات العالمية زي سيمنز الألمانية وغيرها.
خطة مصر لتنمية الاستثمارات في قطاعات الكهرباء والطاقة المتجددة شملت كمان أصدار عدد كبير من القوانين اللي بتدعم الاستثمار زي قانون الكهرباء الجديد واللي نظم العلاقة بين المنتج والمستهلك وفتح الباب قدام القطاع الخاص للمنافسة في إنتاج وتوزيع الكهرباء.
جزء كبير من خطة مصر للتوسع والاستثمار في قطاعات الكهرباء والطاقة مبني علي زيادة التحول للطاقة المتجددة والحكومة بتستهدف زيادتها ل 42% من إجمالي الاستهلاك المحلي للطاقة في 2030، وبنستهدف زيادتها ل 65% في 2040 ونفذنا عدد كبير من المحطات لتوليد الكهرباء من مصادر الطاقة المتجددة زي مجمع بنبان للطاقة الشمسية وده واخد من أكبر المجمعات الشمسية في العالم، ده غير جهود التوسع في الشراكة مع المؤسسات الدولية زي البنك الدولي وبنك التنمية الأفريقي لتوفير التمويل والدعم الفني للمشاريع الكبرى في الكهرباء والطاقة
واحدة من خطط مصر لتنمية وزيادة التوسع في سوق الكهرباء في مصر هو تحويل سوق الكهرباء إلى سوق تنافسي مفتوح، وده بيحصل من خلال فصل أنشطة الإنتاج والنقل والتوزيع، وتشجيع إنشاء شركات خاصة مستقلة، وده بهدف تعزيز كفاءة السوق وجاذبيته للاستثمار والتوسع في مشروعات ربط كهربائي مع دول الجوار زي السعودية والسودان وليبيا، وده فتح للدولة مجال جديد لتصدير الكهرباء وزيادة العوائد الاستثمارية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
