وفاء عامر بعد أزمتها الأخيرة:"مش هدخل تاني.. واللي اشترى ترند على حسابي ربنا هيرده"

في أول تعليق مطوّل بعد العاصفة التي طالتها، خرجت الفنانة وفاء عامر عن صمتها لترد بقوة على الاتهامات الباطلة التي وُجهت لها مؤخرًا، في أزمة أثارت جدلًا واسعًا على مواقع التواصل الاجتماعي، بعدما زُجّ باسمها في قضية تجارة الأعضاء البشرية، عبر فيديوهات بثتها فتاة تُدعى أنها ابنة الرئيس الراحل حسني مبارك.

"تيك توك مش مكاني.. واللي عايزه خليه له"

وخلال مداخلة هاتفية مع الإعلامية مروة في برنامج "وصفة مروة" على قناة الشمس، أعلنت وفاء انسحابها بشكل نهائي من منصة تيك توك، التي اعتبرتها أحد أبواب الأذى قائلة:"أنا مش هدخل التيك توك تاني.. خليه للناس اللي عايزاه. أنا بطبيعتي مش بطلع لايف غير في حالات إنسانية وبس لكن الواضح إن الخير بقى تهمة".

" title="YouTube video player" frameborder="0">

قي سياق متصل، شاركت الفنانة وفاء عامر جمهورها عبر حسابها الشخصي على موقع فيسبوك بمقطع فيديو أثار الكثير من الجدل، حيث وجهت خلاله رسالة مبطّنة وغامضة إلى شخص لم تُسمّه، لكنها بدت مقصودة وحملت الكثير من المعاني.

وقالت وفاء في الفيديو:"إيه الغِنى اللي يشبه الفقر؟ إنك تكون معزوم عند حد غني، بس تلاقي الدنيا مبهدلة.. فول جنب بيض جنب عسل، ومعاهم شوية مكرونة بايتة! الغِنى الحقيقي هو إنك تحسس اللي قدامك إنك مش محتاج حاجة، وإن بيتك ريحته نضيفة وجميل. أما الغِنى اللي يشبه الفقر، فهو البعزقة اللي في الآخر بتترمي في الزبالة والناس تحس إنك معملتش معاهم الواجب."