مصر بدأت مرحلة جديدة من التعاون مع الصين.. والحكومة حاليا بتستهدف الوصول بالاستثمارات الصينية لـ16 مليار دولار.. ياتري ازاي الحكومة هتوصل للرقم دي.. واية المجالات اللي الاستثمارات الصينية هتدخل فيها.
في مرحلة جديد من الشراكة اللي الحكومة بتجهز ملفها للتعاون مع الصين خصوصا بعد الزيارة المهمة اللي قام بيها وزير الدولة الصيني للقاهرة خلال الاسبوع اللي فاتت واللي الحكومة وقعت فيها عدد كبير من عقود الشراكة في مجالات كتيرة كان اهمهم البروتوكول اللي وقعته الحكومة مع الوفد الصيني لمبادلة الديون الصينية لدي مصر باستثمارات صينية جديدة في السوق المصري.
السوق المصري في الوقت الحالي بيضم اكثر من 2800 شركة صينية شغالة في السوق المصري بإجمالي استثمارات أكثر من 8 مليار دولار، ومصر حاليا بتستهدف جذب استثمارات مباشرة من مكاتب التمثيل بالخارج بقيمة هتوصل لـ 15 مليار دولار بنهاية 2025 مقابل 10.3 مليار دولار في 2024 بنسبة نمو هتوصل لـ 45.6%.
في الفترة اللي فاتت مصر استضافت ملتقى استثماري مصري صيني بهدف تعزيز التعاون الاقتصادي، والوفد الصيني اللي جه مصر ضم أكثر من 37 مستثمر بيمثلوا 23 شركة كبرى في قطاع الغزل والنسيج، خصوصا بعد موافقة الحكومة الصينية في أكتوبر 2023 علي برنامج مبادلة الديون مع مصر، واللي علي اساسه الحكومة المصرية والصينية وقعوا مذكرة تفاهم لتحويل ديون مستحقة لبكين لتمويل مشروعات تنموية خضراء في مصر.
خريطة الاستثمارات الصينية الجديدة في مصر في الوقت اللي جاي هتضم عدد كبير من المواقع الإستراتيجية بداية من المنطقة الاقتصادية لقناة السويس والعاصمة الإدارية الجديدة والقاهرة والمدن الجديدة والعلمين الجديدة في عدد كبير من القطاعات الاقتصادية الحيوية زي الطاقة والصناعة والتكنولوجيا والزراعة.
السيل الكبير من الاستثمارات الصينية في السوق المصري سببه المباشر غير برنامج مبادلة الديون التحديات الدولية اللي بتواجه الصين زي الرسوم الجمركية الأمريكية الأخيرة واللي فرضتها الإدارة الأمريكية الجديدة واللي دفعت الشركات الصينية للبحث عن أسواق بديلة للاستثمار، ومصر بتمثل لهم الموقع الفريد من حيث الموقع الإستراتيجي واللي هيتيح للصين النفاذ لكل أسواق العالم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
