حمادة صدقي: قرار إلغاء الهبوط سيعود بالكرة المصرية للخلف لسنوات

انتقد حمادة صدقي نجم الكرة المصرية السابق، شكل الدوري في الموسم الجديد، مؤكدا أن الكرة المصرية تتراجع للخلف.

وقال صدقي في تصريحات مع سهام صالح لبرنامج الكلاسيكو على قناة أون: "شكل الدوري الجديد مش عاجبني واللخبطة اللي حاصله 21 فريق وده هيرجع الكرة المصرية للوراء".

وأضاف: "سنظل على الأقل ثلاث سنين، من أجل العودة للعب دوري طبيعي زي الأول 18 فريق دور أول وثاني".

وتابع: "كل اللي إحنا فيه ده بسبب موسم دوري الكورونا، كان لازم يلتغي وتأثيره مستمر معنا لحد يومنا هذا".

وواصل: "وقتها طالبت الغاء الدوري وابدأ دوري جديد في شهر أغسطس بدل ما تكمل دوري من أغسطس، وكان فاضل 18 جوله وتبعات دوري الكورونا أثرت على المواسم اللي بعدها".

وأردف: "الموسم ده هيبدأ بدري بس 21 فريق وده هيخلي في مباريات ملهاش لازمه بعد كده في الدورة المجمعة".