أخبار عاجلة
تطبيق نظام الرأفة في نتيجة الثانوية العامة 2025 -
أسعار الذهب اليوم الاثنين 21 يوليو 2025 -

استثمارات إيطالية من العيار الثقيل.. شوف تفاصيل لقاء سفير إيطاليا مع وزير الاستثمار

استثمارات إيطالية من العيار الثقيل.. شوف تفاصيل لقاء سفير إيطاليا مع وزير الاستثمار
استثمارات إيطالية من العيار الثقيل.. شوف تفاصيل لقاء سفير إيطاليا مع وزير الاستثمار

يا ترى إيه سر اللقاء الأخير لسفير إيطاليا في مصر مع وزير الاستثمار، هل ده معناه ان في صفقات جديدة ولا استثمارات جاية في الطريق؟

في الساعات الأخيرة، المهندس حسن الخطيب وزير الاستثمار والتجارة الخارجية، استقبل السفير الإيطالي في القاهرة "ميكيلي كواروني"، واللي جاي ومعاه رسالة واضحة وهي ان إيطاليا مهتمة تزود استثماراتها في مصر.

واللقاء كان فيه كلام مهم عن التعاون الاقتصادي بين البلدين، وازاي نفتح مجالات جديدة للشركات الإيطالية عشان تستثمر في قطاعات مصرية واعدة.

ومن هنا، الوزير أكد إن الدولة مركزة دلوقتي على خلق مناخ استثماري جاذب، يعني تسهيلات وتبسيط إجراءات وتشجيع وكمان دعم للقطاع الخاص، واهتمام خاص بالمستثمرين الأجانب وخاصة الإيطاليين.

799.jpeg

كمان، الوزير قال إن مصر عملت إصلاحات اقتصادية كبيرة الفترة اللي فاتت، عشان تخلي السوق المصري جاهز وجاذب لأي مستثمر جاي من بره، من أول تقليل زمن الإفراج الجمركي لحد دعم الصناعات الخضراء، وتحلية المياه وكمان إعادة التدوير، وغيرها من المجالات اللي فيها فرص كبيرة.

وهنا رد السفير ذ، وشكر مصر على كل المجهودات دي، وقال ان اللي بيحصل في مصر دلوقتي واعد، وفي فرص كبيرة جدت لشركاتنا هناك، وكمان أكد ان في شركات إيطالية كتير جدا بترصد السوق المصري وبتفكر تدخل بقوة، وإنهم مهتمين يعرفوا أكتر عن الفرص اللي موجودة، خاصة في القطاعات اللي ليها أولوية عند الطرفين.

والمفاجأة بقى، ان السفير اقترح كمان إنهم ينظموا زيارة ترويجية لإيطاليا قريب، علشان يعرضوا فيها مستجدات مناخ الاستثمار في مصر للمستثمرين الإيطاليين وجها لوجه.

وده معناه ببساطة، ان في شغل كتير جاي، وفي احتمالات حقيقية لاستثمارات إيطالية جديدة تدخل السوق المصري قريب، يعني لو حضرتك مستثمر وبتفكر في الشراكة أو بتدور على فرص مع شركات أجنبية، خليك متابع للمستجدات دي لأن العلاقات الاقتصادية بين مصر وإيطاليا داخلها على مرحلة أقوى وأوسع.

إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق رابط نتيجة الثانوية العامة الدور الأول فور اعتمادها من وزير التعليم
التالى تطبيق نظام الرأفة في نتيجة الثانوية العامة 2025