أخيرا الدولة فتحت مشروع الإسكان الاجتماعي الجديد.. ياتري اية هيا خطوات حجز كراسات الشروط وتفاصيلها اية واسعار الشقق هتوصل لكام.
كل الناس بتسال حاليا علي خطوات حجز شقق الإسكان الاجتماعي الجديد سكن لكل المصريين 7، واية الطرق اللي الحكومة عملتها لشراء كراسات الشروط واسعار الوحدات في الطرح الجديد هتوصل لكام.
الاسئلة دي واسئلة تانية كتيرة جاوبت عليعا وزارة الاسكان الاجتماعي واللي أكدت أن اجراءات حجز كراسة شروط الطرح الجديد لشقق الاسكان الاجتماعي بيتم عن طريق موقعين مفيش غيرهم أولهم بوابة مصر الرقمية والموقع التاني هو موقع صندوق الاسكان الاجتماعي ودعم التطوير العقاري، ودي الموقعين الوحدين اللي من خلالهم المواطن يقدر يحصل علي كراسة الشروط خصوصا أن حجز الكراسات مش هيكون من خلال مكاتب البريد زي الوقت اللي فات.
الطرح الجديد لشقق الاسكان الاجتماعي هو طرح تكميلي لشقق سكن لكل المصريين 5 للمواطنين محدودي ومتوسطي الدخل واللي هما كانوا خارج الأولوية أو غير منطبقي الشروط من المتقدمين باجمالي عدد شقق هيوصل لـ34 ألف و133 وحدة وهي وحدات تحت الإنشاء تسليم خلال 36 شهرًا في مدن أسوان الجديدة، بني سويف الجديدة، حدائق العاصمة، برج العرب الجديدة، العاشر من رمضان، 15 مايو، سوهاج الجديدة، قنا الجديدة، ده غير 690 وحدة سكنية جاهزة للتسليم بمدينة أخميم الجديدة.
سعر الشقة الـ90 متر في الطرح الجديد لشقق الاسكان الاجتماعي هيوصل لـ 850 ألف جنيه، وبيكون مقدم الحجز 50 ألف جنيه، وبيتم سداد دفعات ربع سنوية هتوصل في السنة الأولى لـ 12.500 ألف، وفي السنة الثانية 13.500 وفي السنة الثالثة 14.500 جنيه، وفي 690 ألف وحدة متاحين للتسليم الفوري في مدينة أخميم الجديدة بمحافظة سوهاج بسعر الوحدة فيهم 470 ألف جنيه.
أما بقي الناس اللي بتسأل علي اسعار شقق الإسكان الأخضر، ودول عددهم 54792 وحدة سكنية بالمدن الجديدة إسكان أخضر ودي وحدات تحت الإنشاء تسليم خلال 36 شهر وفي مدن أسوان اﻟﺟديدة، طيبة الجديدة، أكتوبر الجديدة، حدائق أكتوبر، العاشر من رمضان، اﻟﻌﺑور الجديدة، بدر، السادات، والمنيا الجديدة.
سعر الشقة في الطرح الجديد لشقق الاسكان الاخضر الـ 90 متر هيوصل لـ900 ألف جنيه في كل المدن ودي شقق كاملة التشطيب، وبيتم سداد أقساط ربع سنوية في السنة الأولى 13500 جنيه والثانية 14.500 جنيه والثالثة 15.500 جنيه.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
