أكد الإعلامي عمرو أديب أن الشعب المصري لا يحترم قوانين الطرق، مشيرا إلى أن هناك كثير من الحوادث التي يتسبب فيها من يخالفون القانون من قائدي المركبات.
وقال أديب خلال برنامج "الحكاية" المذاع على قناة "أم بي سي مصر": "طبعا المواطن ليه دور، طبعا المواطن بيغلط طبعا المواطن بيبقى محشش وهو سايق، طبعا المواطن بيحمل كتير طيب، وهو إيه اللي سايبه يطلع بالحمولة دي تقيلة؟".
وأضاف: "حمولته 40 طن، شايل 140 طن! ده ولا في سيرك على بمبة ده لازم يعمل له مزيكا، وهوة داخل!".
وتابع: "هو في حد يعرف يعمل كده؟ أنا عارف إن إحنا شعب لا يحترم قوانين الطرق نحن لا، يعني خلاص، يعني نحط دي على جنب بقي، نحن لا نحترم الطرق نحن نمارس فسادا على الطرق نحن كسرنا كل الطرق".
وواصل: "إنما بقي الداخلية هترجع تقول لك أنا شغالة وبتاع ولكن الرئيس النهارده قال لهم لو سمحتم، أكثر، زوّد، حاسب ما هو كمان المخالفة البسيطة دي، الراجل بتاع الوزن الزيادة ده بيقول لك إيه؟ طب أنا كده كام؟ يبقى نشيل 14 من 175؟ أبقى أنا أخدت الـ 100 واديت البلد الـ 40، المخالفة طيب أبقى أنا عديت".
وأوضح: "طبقا للقانون، هو خلاص حتى لو وقّفته إيه ده يا مش عارف إيه؟ مخالفته كام؟ 40؟ خد وأنا أخدت 60 في جيبي ربحانة! ما زالت ربحانة!".
وواصل: "يا جماعة، نحن نتحدث عن الدماء على الأسفلت منذ سنوات كثيرة.. كثيرة طيب، أحيلك لغاية من 10 سنين، قبل ما تحصل هذه النهضة على الطريق الصحراوي مصر إسكندرية نهضة عظيمة بس كان إيه؟ إحنا كنا رايحين جايين، شايفين جثث على الأرض".
وذكر: "طب في ناس النهاردة حطوا اقتراحات طب ما تخلوا النقل ده بالليل بس؟ ما يعديش طول اليوم؟ أو ليه؟ انت عملت إيه؟".
وأوضح: "انت عملت الاختراع العظيم في الطريق الصحراوي، إن النقل موجود في الليل لوحده، في حارة لوحدها اللي بيجننك إن هذا الوطن قادر قادر إن هو يطبق قانون، إن هو يعمل طريق، إن هو يلتزم".
واختتم: "أنا عايز أفكركم بحاجة بس إن لغاية من 12 سنة، ما كانش حد بيربط الحزام في مصر إنتوا ناسيين؟ يعني في أجيال جت مش فاكرة حكاية ما كانش فيه موضوع الحزام ده خالص! وعندما بدأ تطبيق ربط الحزام، كان فيه بقي اللي هو نعمله كده ومن ورا، إنما دلوقتي خلاص، المواطن إيه؟ خلاص.فتطبيق القانون ليس بدعة".
