تحدث الفنان عمرو جمال عن زيارته لـ مستشفى بهية، مشيرا إلى أنه كان يعتقد أنه يساعدهم لكن الحقيقة أنهن ساعدوه كثيرا بحديثهن عن رحلتهن، مؤكدا أن المستشفى عظيمة والمرضى بها محاربات.
عمرو جمال يتحدث عن زيارته لـ مستشفى بهية
وكتب عمرو جمال في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام: انا رحت مستشفى "بهية" وكنت فاكر اني رايح اساعدهم وكده، والحقيقه عما اللي ساعدوني اوي، اولا المستشفى بتعمل حاجه عظيمه جدا وهي انها بتعالج الالاف من الستات المحاربات اللي عندهم "سرطان الثدي" وكل العلاج بالمجان، وكمان بيعملوا مجهود كبير في التوعيه بالمرض والكشف عنه ونوه في مراحله الاولي، ثانيا انا شفت ستات حقيقي محاربات، وملهمين جدا لاي حد. شفت ناس المرض خلاها اقوي واحسن و خلاهم عايشين اكتر.
وتابع عمرو جمال: كذا حد حكالي عن تجربته وازاي رحلتها مع المرض خلتها ست واعيه اكتر و اقوي وخلتها تغير حاجات كتير في حياتها وتغير الناس اللي حواليها والاهم تغير نفسها، وساعتها كان في دماغي جمله واحده بس "ربنا مبيجبش حاجه وحشة" وادركت قد ايه ممكن المحنه او المرض هوه اللي هيخليك تعيش.
عمرو جمال: عايز اشجعكوا انكم تساندو المستشفى العظيمة دي
واضاف عمرو جمال: عايز اشجعكوا اوي انكوا تساندوا المستشفي العظيمه دي سواء بالتبرعات او الزياره او تودوا المقربين ليكوا يكشفوا ويطمنوا ولو رحتوا حتي زورتوا الستات اللي هناك انتوا اللي هتستفيدوا بجد، شئ يفرح ان يكون في بلدنا حاجه زي دي هدفها الاول والاخير هو خدمه الانسان.
آخر أعمال عمرو جمال
يذكر أن آخر اعمال عمرو جمال مشاركته في مسلسل ما تراه ليس كما يبدو من خلال حكاية انت وحدك، وذلك إلى جانب الفنانة تارا عماد ونخبة من نجوم الفن الآخرين، والتي حققت نجاحات ساحقة وردود فعل إيجابية من قبل الجمهور.
مسلسل ما تراه ليس كما يبدو من 7 حكايات كل حكاية تدور في 5 حلقات بأبطال ومؤلفين ومخرجين مختلفين، ويعرض حاليا الحكاية الخامسة من العمل.
