النقد لا يعني الخيانة.. شريف إكرامي يدافع عن حسام غالي برسالة مؤثرة

علق شريف إكرامي حارس مرمى النادي الأهلي السابق وبيراميدز الحالي، على حالة النقد الموجهة إلى حسام غالي عضو مجلس إدارة القلعة الحمراء، على خلفية تصريحاته الأخيرة.

شريف إكرامي: مشكلتنا أننا بنتعامل مع النقد على أنه خيانة 

وكتب شريف إكرامي، عبر حسابه الشخصي على منصة التواصل الاجتماعي «X»: «مشكلتنا إننا لسه بنتعامل مع النقد كأنه خيانة ومع الاختلاف في الرأي كأنه تهديد.. عندنا تطرف شديد في تصنيف الأمور يا أبيض يا أسود يا ملائكة يا شياطين.. نفس الشخص ممكن يبقى كادر ومستقبل النادي الصبح وخاين بالليل لمجرد إنه قال كلمة صادقة حتى لو في نظر البعض خانه التوقيت والتقدير.. ده يورينا أن اللي بيحرك المشهد دلوقتي مش عقل ولا موضوعية، ده مزاج لحظي وانفعال أعمى والعقل مالوش مكان في الساحة أصلا لأن في الحقيقة اللي بيحرك الصورة مش بس العواطف والانتماءات والارتباط بالأشخاص.. لكن كمان مصالح وصراعات خفية بتوجه وتتحكم وتحدد مين يبقى بطل النهارده ومتهم بكره.. وسط كل ده الجمهور بيُستغل وبيتحول من شريك واعي لمجرد أداة بيتم اللعب بيها حسب المصلحة.. الخلاصة إن المشهد محتاج عقل يوزن ويقود.. مش مزاج لحظي يغيّر الحقايق ولا مصالح خفية تتحكم في المصير».

مشكلتنا إننا لسه بنتعامل مع النقد كأنه خيانة ومع الاختلاف في الرأي كأنه تهديد..
عندنا تطرف شديد في تصنيف الأمور يا أبيض يا أسود يا ملايكة يا شياطين..
نفس الشخص ممكن يبقى كادر و مستقبل النادي الصبح وخاين بالليل لمجرد إنه قال كلمة صادقة حتى لو في نظر البعض خانه التوقيت والتقدير..…

— SherifEkramy (@SEkramyofficial) September 13, 2025