حل الفنان أحمد سعد ضيف على برنامج معكم والذي تقدمه الإعلامية منى الشاذلي على شاشة قنوات أون، واستهل الحلقة بأغنية مكسرات والتي تفاعل معه الجمهور بالرقص والتصفيق الحار.
أحمد سعد لـ منى الشاذلي: لقد هرمت من أجل هذه اللحظة
وقال أحمد سعد خلال لقائه مع منى الشاذلي وفقا لما رصده موقع تحيا مصر: جزء من نجاحي اني قاعد على الكرسي ده.. أنا هرمت من أجل هذه اللحظة.
وكانت الحلقة مليئة بالدعابة وخفة الظل، حيث تحدثت منى الشاذلي عن ملابس أحمد سعد الغريبة في حفلاته، وسلطت الضوء على "الجيبة الشورت"، ليرد أحمد سعد مازحا "والله مرضتش ألبس القصيرة قولت دي شرعي أكتر".
وعن الرقصات التي يقوم بها، قال أحمد سعد: انا اشهر مصمم رقص دلوقتي، انا مصمم الفوضى الخلاقة.
أحمد سعد عن أغنية صدقيني: خدتني لنقلة تانية في حياتي الفنية
وتحدث أحمد سعد خلال اللقاء عن أغنية صدقيني، فقال: الأغنية دي هي اللي خدتني لنقلة تانية في حياتي الفنية، أنا كنت مركز مع الطرب ودي الحتة بتاعتي واللي مقتنع بيها وأما جه أغنية صدقيني انا غنتها بالشكل المعتاد عليه الاول، وبعدين لقيت الملحن معترض وبيقولي لا المفروض نغنيها كدة، قولتله انتي عايزني اعمل كدة ازاي وشدينا مع بعض شوية وبعدين عملتها واقتنعت أنه ده لون مختلف جدا عن اللي بقدمه
وأكد: سمعت نفسي لأول مرة بشكل مختلف عن نفسي وحسيت أن ربنا بيشاورلي على حاجة مكنتش عارفها ودي كانت بداية نقلتي وازدهاري.
أحمد سعد: بحب جمهور الاطفال وبقيت افضل الاغاني الفرايحي
وتابع أحمد سعد حديثه: أنا قررت اخد اللون الفرايحي وللانبساط لأن الناس فيها اللي مكفيها ومش ناقصة مشاكل وحزن، فالنوع ده من الاغاني هيهون عليها شوية، وتقريبا كلنا في الالبومات السنة دي ماشيين في الاتجاه ده.
وأشار أحمد سعد إلى أنه يحب الجمهور من الأطفال ويتمنى عمل ألبوم لهم خصيصا، وقام بتقديم أغنية العيد اليوم هو عيدي، في وسط تفاعل كبير من الأطفال في ستوديو منى الشاذلي.
