مستغرب من الاستثمارات الخليجية الضخمة اللي بتيجي مصر الفترة دي .. بتسأل نفسك ليه كل رجال الأعمال الخليجيين مهتمين بالعقارات تحديداً؟ .. يا ترى دخولهم السوق ده ممكن يحل أزمة الدولار؟ .. وإيه اللي بتقدمه مصر عشان تجذب الاستثمارات دي؟.
من فترة كش بعيدة كان مجرد التفكير في استثمارات أجنبية ضخمة أمر صعب.. لكن دلوقتي.. الوضع اختلف 180 درجة.. بنشوف كل يوم أخبار عن صفقات جديدة.. ومشاريع بالمليارات.. أغلبها بيجي من رجال أعمال ومستثمرين خليجيين.. اللي بيشوفوا في مصر فرصة استثمارية مش هتتكرر.
طب إيه اللي بيجذبهم لمصر؟
مصر بتقدم حوافز وتسهيلات كبيرة جداً للمستثمرين الأجانب.. أولها إن فيه قوانين جديدة بتسهل إجراءات الاستثمار.. وبتقلل البيروقراطية.. يعني الموضوع مبقاش معقد زي زمان.
كمان فيه إعفاءات ضريبية لمشاريع معينة.. وممكن المستثمر يحصل على إقامة طويلة الأجل.. وده بيشجعه أكتر على ضخ فلوسه هنا.. ده غير المناطق الاقتصادية الخاصة اللي بتقدم حوافز إضافية.. زي المنطقة الاقتصادية لقناة السويس.
لكن الأهم.. هو إن سعر الصرف بقى مستقر بشكل كبير.. وده بيطمن المستثمر إن فلوسه مش هتخسر قيمتها بسرعة.. وده بيخليه عنده ثقة أكبر في إن استثماره هينجح.
وليه قطاع العقارات هو اللي بيحظى بنصيب الأسد من الاستثمارات؟
المستثمرين الخليجيين مهتمين جداً بقطاع العقارات لأسباب كتير.. أولها إن العقارات في مصر سوق كبير جداً.. وعليه طلب عالي جداً.. سواء من المصريين أو من الأجانب.
تاني حاجة .. فيه مشاريع ضخمة جداً بتتعمل دلوقتي.. زي العاصمة الإدارية الجديدة .. والعلمين الجديدة .. والمدن الجديدة في كل حتة.. المشاريع دي بتوفر بنية تحتية قوية.. وده بيزود قيمة أي عقار موجود فيها.
وتالت حاجة .. إن العقارات تعتبر استثمار آمن على المدى الطويل.. لإن قيمتها بتزيد باستمرار.. وبتوفر دخل ثابت من الإيجار.. المستثمر الخليجي بيشوف إن ده استثمار مضمون.. وفلوسه بتتحرك وبتكسب.
طب هل ده هيحل أزمة الدولار؟
طبعا دخول المستثمرين الخليجيين السوق ده هيكون سبب رئيسي في حل أزمة الدولار.. ليه؟
لإن المستثمر ده بيدخل بفلوسه من برا.. بالدولار أو بالعملة الأجنبية.. وعشان يبني مشروعه.. لازم يحول الدولارات دي لجنيهات مصرية.. عشان يدفع أجور العمال.. ويشتري مواد البناء من السوق المحلي.
لما المستثمرين دول بيضخوا مليارات الدولارات في السوق.. المعروض من الدولار بيزيد بشكل كبير جداً.. ولما المعروض بيزيد.. سعره بينزل.. ده غير إن الاستثمارات دي بتخلق فرص عمل.. وبتزود الإنتاج.. وبتوفر منتجات كنا بنستوردها.. وده بيوفر علينا دولارات أكتر.
ونقدر نقول بالفم المليان إن اللي بيحصل في السوق المصري مش صدفة.. ده نتيجة جهود كبيرة لجذب الاستثمارات.. ورجال الأعمال الخليجيين شايفين إن مصر فرصة حقيقية للربح والنمو.. ودخولهم السوق ده هو بداية لمرحلة جديدة.. مرحلة هيكون فيها الاقتصاد المصري أقوى.. وأكثر استقرارا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
