انخفاضات كبيرة بتشهدها مصر في أسعار العربيات المستعملة.. ياتري اية سر الانخفاض ده.. وهل كل أسعار السيارات في مصر هتشهد انخفاضات.. والانخفاض سببه اية. وهيستمر لحد أمتي.
علي غير المتوقع، أسعار اعلي ماركات السيارات انخفضت بشكل كبير جدا والانخفاض ده انعكس بشكل كبير علي أسعار السيارات المستعملة واللي سوقها بيعاني من حالة كبيرة من الركود وضعف كبير في الإقبال علي الشراء، وده بعد حالة رواج كبيرة كانت موجود في السوق خلال الفترة اللي فاتت .
التراجع اللي حصل في أسعار السيارات المستعملة ترواح ما بين 20 الي 25% وده حسب الطراز والطلب علي الماركات المعروضة في السوق، وطبعا كل الناس بتسأل عن أسباب التراجع ده وهل مكمل. لا فترة مؤقتة .
في الحقيقة في أكثر من سبب كانوا وراء التراجع في أسعار السيارات المستعملة في السوق المصري أولهم الزيادة الكبيرة في المعروض من السيارات الجديدة خصوصا مع بدء تشغيل وامتلك المصانع المحلية في مصر في إنتاج ماركات السيارات المختلف. واللي بيوصل عددهم حاليا لـ 7 مصانع جديدة، ومتوقع وصولهم لـ 10 مصانع هلال الايام اللي جاية وده هيرفع نسبة السيارات المعروضه في السوق قدام الناس، وبالتالي الأسعار مرشحة الانخفاض أكثر وأكثر خلال الأيام اللي جاية.
في نقطة مهمة كمان كانت لها فضل كبير في انخفاض أسعار السيارات عموما في مصر وهيا الاستقرار النسبي في سعر الدولار وإعادة فتح الاعتمادات المستندية واللي ساهمت في تخفيض تكلفة الاستيراد وتقليل الفروقات السعرية، ده غير انخفاض التضخم العالمي وتخلي معظم المعارض عن الأوفر برايس بسبب تحسن السوق، ده غير أن في حالة عزوف شديدة عن الشراء وبالتالي معظم المعارض خفضت جامد جدا في الأسعار بهدف البيع ده غير أن في ناس كتيرة جدا عارضين سياراتهم للبيع علشان عايزين يشتروا الجديد، وده نقطة برضوا ساهمت في زيادة المعروض من السيارات المستعمله.
طيب هل الأسعار هتفضل مستقرة كده الفترة اللي جاية ولا مرشحة للزيادة أو الانخفاض ؟.
كل التوقعات حاليا بتاكد أن السوق المصري هيشهد انخفاضات جديدة في الأسعار خصوصا مع بدء. استمرار إنتاج الماركات المختلفة من المصانع المحلية وبالتالي كل الأسواق متوقعة أن أسعار السيارات يحصل فيها انخفاضات جديدة، خصوصا أن زيادة الإنتاج ده بيتزامن مع الاستمرار النسبي في سعر صرف الدولار والتحسن اللي حصل في سعر الجنية المصري، ده غير قرارات البنك المركزي بخفض أسعار الفائدة واللي كان له عامل مهم في تقليب تكلفة التمويل.
في الفترة الأخيرة بدأت تظهر شعبية كبيرة جدا للسيارات الصينية وده بسبب أسعارها المتميزة ده غير أن جودتها كويسة بشكل كبير،. ده عمل منافسة كبيرة جدا في السوق المصري وساهم في هبوط أسعار السيارات الزيرو، وفي ناس كتيرة حولت اتجاهها من شراء السيارات المستعملة الي شراء السيارات الزيرو ، وده واحد من الأسباب اللي أدت لانخفاض اسعار السيارات المستعمله في الأسواق.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
