أخبار عاجلة

مصر تحترف عالميا في النقل البري.. سيراليون شاهدة على تاريخ الفراعنة

مصر تحترف عالميا في النقل البري.. سيراليون شاهدة على تاريخ الفراعنة
مصر تحترف عالميا في النقل البري.. سيراليون شاهدة على تاريخ الفراعنة

ليه مصر هتدير منظومة النقل البري في سيراليون؟.. وهل ده هيفيدنا بإيه؟.. وإزاي ده هيفتح أسواق جديدة للشركات المصرية؟.. وهل ده هيجذب الاستمثارات الأجنبية لمصر؟.

في خطوة جديدة بتأكد قوة العلاقات بين مصر والدول الإفريقية، مصر بدأت تخطط لإدارة منظومة النقل البري في دولة سيراليون، وده مش بس تعاون عادي، ده خطوة استراتيجية ليها فوائد كتير لمصر ولأفريقيا كمان.

طيب إيه اللي هيعود على مصر من الموضوع ده؟، أول حاجة هيفتح أسواق جديدة للشركات المصرية، يعني باختصار شركاتنا اللي شغالة في البنية التحتية، والطرق، واللوجستيات، هتلاقي شغل بره، وتكسب وتكبر وتوفر فرص عمل.

ده غير تصدير الخبرة المصرية، لأن احنا عندنا خبرة كبيرة في إنشاء الطرق والكباري وتطوير شبكات النقل، ومن خلال المشروع ده، هنثبت إننا نقدر نساعد دول تانية تطور نفسها، وده يرفع من سمعة مصر الفنية في أفريقيا.

مش بس وكده، ده وجود مصر في مشاريع كبيرة زي دي بيديها نفوذ اقتصادي وسياسي أكبر في القارة، وده مهم جدًا في ظل التنافس العالمي على أفريقيا، لأن لما الدول تشوف إن مصر بتنجح في إدارة مشاريع بره، ده بيشجع شركات أجنبية تيجي تشتغل معانا أو تستثمر جوه مصر.

838.jpg
الرئيس عبد الفتاح السيسي ورئيس سيراليون

وهنا الموضوع هيبقى خد وهات، يعني زي ما احنا بنساعد سيراليون، ممكن بعد كده يحصل تعاون في مجالات تانية زي الزراعة، التعدين، أو التعليم.

وخلينا نفكرك إن تطوير منظومة النقل البري مش بس مجرد طرق وأسفلت، لأ دي كمان إدارة، وتنظيم، وتكنولوجيا، وتدريب للسواقين، وتأمين، وربط بين المدن، وده كله مصر تقدر تنقله بخبرتها.

وزير النقل كامل الوزير، أعلن أن الشركات المصرية اللي اشتغلت على مشاريع عملاقة في مصر ودول عربية وأفريقية، جاهزة وبكل قوة تشتغل في مشروعات البنية التحتية في سيراليون، يعني احنا بنتكلم عن شركات عندها خبرة ضخمة وقدرات عالية، وعارفة تشتغل بأعلى معايير الجودة، وكل ده ضمن خطة طموحة من سيراليون عشان تطور قطاع النقل عندها.

وكمان الوزير قال إن في فرصة كبيرة للتعاون في مجالات كتير زي تطوير المواني وإنشاء أرصفة جديدة تناسب احتياجات سيراليون التجارية وتصنيع أتوبيسات مصرية وتشغيلها هناك في منظومة النقل البري والتعاون في مشاريع السكك الحديدية وتطوير النقل النهري وإنشاء وتشغيل الموانئ الجافة.

يعني إحنا مش بنتكلم عن مشروع واحد وخلاص، لأ دي شراكة كاملة في كل أنواع النقل، من البحر للبر للنهر، وعلشان كل ده يحصل بشكل منظم، تم الاتفاق على تشكيل فريق عمل مشترك بين مصر وسيراليون، ينسق التعاون ويبدأ التنفيذ على أرض الواقع.

باختصار، أن الخطوة دي مش بس هتفيد سيراليون، لأ كمان هتفتح باب واسع لمصر تبقى شريك رئيسي في نهضة أفريقيا.

إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق «رئيس اتصالات النواب» يكشف لـ«الأسبوع» سبب اندلاع حريق جديد في سنترال رمسيس
التالى عضو بـ«المحافظين» البريطاني: أوروبا تتحدث بلا فعل.. وسلام غزة بحاجة لإرادة