شريف إدريس يكشف لأول مرة سبب استبعاد عادل إمام لممثل شهير من مسرحية "بودي جارد

كشف الفنان شريف إدريس لـ أول مرة عن سبب استبعاد الزعيم عادل إمام لـ أحد الممثلين من مسرحيته الأخيرة بودي جارد، كما اثبت براءة الزعيم بعد اتهامه انه قام باستبعاده بسبب خفة دمه أكثر من الزعيم.

 سبب استبعاد عادل إمام لممثل شهير من مسرحية بودي جارد

وكتب شريف إدريس من خلال حسابه الرسمي عبر موقع التواصل الاجتماعي "فيسبوك"، قال: "فيه ممثل زميل كبير سناً..بقاله فتره طويله جدا كل مايطلع في لقاء يقول ان الاستاذ عادل امام مشاه من مسرحية بودي جارد علشان كان بيضحك اكتر منه.. طيب لأول مره هحكي الواقعه اللي حضرها ناس كتير عايشين معانا في الدنيا".

أضاف: "في واحده من ليالي العرض الجميله الأستاذ الزميل الممثل كتب رقمه في ورقه وحدفه لواحده معجبه في الصاله اثناء تحية العرض..شافه حد من بتوع أمن المسرح وراح بلغ الأستاذ عادل إمام..تاني يوم كان استاذ عادل قبل العرض بيقعد يوميا في الاوضه اللي بقعد فيها انا وزمايلي الممثلين..بنقعد ندردش شويه قبل العرض..وفجأه الاستاذ الزميل دخل من باب المسرح ومعاه واحده غريبه وفي حاله يلا يرثي لها هما الاتنين".

تابع: "فالأستاذ عادل نده مساعده وقاله مين دي وعرف انها نفس الشخصيه اللي اتحدفلها الرقم فبعت جابه وقام معاه بالواجب..وطبعا استاذ عادل اخد موقف في لحظتها ودي كانت اخر ليلة عرض لهذا الزميل الممثل في مسرحية بودي جارد".

استكمل: "أنا اول مره احكي الواقعه بس حقيقي الوضع بقي مستفز وياريت الاستاذ الزميل الممثل يحترم سنه وعيب انه يطلع يكذب علي الناس عيب بجد.. وياريت لو سمحتم لو اي حد يعرف اسمه بلاش يذكره في التعليقات نهائي".

مسرحية بودي جارد

الجدير بالذكر ان مسرحية "بودي جارد" استمر عرضها الجماهيري على خشبة المسرح 11 سنة متتالية مع بعض التغييرات في فريق العمل، و تم تصويرها عام 2009 ولكنها ظلت حبيسة الادراج الى ان تم عرض  النسخة التلفزيونية منها الفترة الماضية على إحدى منصات العرض السعودية بعد طول انتظار.

المسرحية بطولة: عادل امام، رغدة، سعيد عبد الغني، عزت ابو عوف، فايق عزب، ضياء عبد الخالق، عماد زيادة، احمد التهامي، شريف ادريس، انتاج فرقة الفنانين المتحدين، تأليف: سمير خفاجة ويوسف معاطي، اخراج مسرحي رامي امام، واخرجها للتلفزيون احمد صقر.