مصر هتكون علي زيارة مهمة جدا مع وفد صندوق النقد الدولي.. ياتري لاية صندوق النقد الدولي جاي تاني لمصر.. وهل مصر هتأخذ قروض جديدة من الصندوق.
خلال الشهور اللي فاتت مصر استقبلت 5 زيارات مهمة جدا لوفود صندوق النقد الدولي لمتابعة الإجراءات اللي أخذتها مصر للحصول علي شرائح قرض ال 8 مليار دولار واللي مصر حصلت علي في مارس 2024، وحتي الان مصر صرفت منه علي 4 شرائح حتي الآن، كان آخرهم الشريحة اللي حصلت عليها مصر في ابريل 2025 بعد مفاوضات ماراثونية مع بين الحكومة وصندوق النقد الدولي.
المفاوضات الطويلة اللي تمت بين الحكومة وصندوق النقد الدولي في وقت صرف الشريحة الرابعة من قرض ال 8 مليار دولار اللي وصلت قيمتها ل 1.2 مليار دولار، بسبب التوجيهات الرئاسية للحكومة بتعديل شروط الصندوق خصوصا أن أغلب الشروط كانت متعلق برفع الدعم، والحكومة شافت أنه ده مش الوقت المناسب لخفض جديد للدعم علي الخدمات والسلع اللي بتقدمها الحكومة للمواطنين.
التكليفات الرئاسة الحكومة، اتاخذت علي محمل الجد، وفعلا الحكومة بدأت مفاوضات طويلة لحد ما صندوق النقد الدولي اقتنع بفكر الحكومة ووافق بعد فترة طويلة من المفاوضات أنه يمنح الشريحة الرابعة من القرض، ولكنها كانت بداية للخلاف بين الحكومة والصندوق خصوصا أن الصندوق شايف أن مصر مش عايز او مش قادرة تنفذ البنود اللي اتفقت عليها مع الصندوق.
الأمور فضلت مستقرة بين صندوق النقد الدولي والحكومة لحد ما جه وقت المراجعة الخامسة واللي كانت في شهر يوليو اللي فات، وفعلا وفد الصندوق وصل عندنا هنا في مصر وبدأت مراجعته وكمان أشاد بالاجراءات اللي أخذتها الحكومة لتطوير والنهوض بالاقتصاد، ولكن كان في نقطة مهمة جدا الصندوق علق عليها ورفض كمان يسلم مصر الشريحة الخامسة من القرض واللي قيمتها بتوصل ل 1.3 مليار دولار، بسبب تأخر مصر في تنفيذ برنامج الطروحات الحكومية.
طيب اية حكاية الزيارة اللي جاية لصندوق النقد الدولي لمصر وهل مصر هتاخذ قروض جديدة من الصندوق ؟.
مصر حاليا في انتظار زيارة مهمة جدا لصندوق النقد الدولي واللي هتكون في نهاية سبتمبر سبتمبر الحالي أو علي بداية شهر اكتوبر بالكتير، والزيارة دي هتكون لها أهمية خاصة خصوصا انها هتكون خاصة بمراجعتين لصندوق النقد وهما المراجعة الخامسة اللي الصندوق رفض يعتمدها لمصر بسبب تأخر تنفيذ برنامج الطروحات الحكومية والمراجعة السادسة اللي هتكون مستحق طرفها في التوقيت ده، وحاليا الحكومة عندها تحدي كبير جدا وده خاص بالانتهاء من تنفيذ برنامج الطروحات الحكومية واللي حتي الآن لسه مفيش خطوات فعليه اتاخذ فيه بعرض بعض الشركات المملوكة للقطاع العام في البورصة قدام المستثمرين.
خلال الايام اللي جاية الحكومة هتسرع خطواتها للانتهاء من برنامج الطروحات الحكومية علشان يكون نفذنا كل الخطوات اللي مطلوبة من الحكومة للحصول علي شرائح صندوق النقد الدولي وبكده نقدر ناخذ الشريحين المستحقين من قرض ال 8 مليار دولار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
