02:58 م | الخميس 10 يوليو 2025
زيزو لاعب الاهلي
نشر أحمد مصطفى زيزو لاعب الأهلي تغريدة عبر حسابه على ستوري إنستجرام، ردًا على الانتقادات التي طالته في الفترة الأخيرة.
«مش قادر أستوعب».. زيزو يوجه رسالة نارية لمنتقديه
وكتب زيزو: «السؤال الوحيد والأوحد اللي مش عايز يطلع من دماغي ونفسي ألاقي لى إجابه ! هو بجد لما حد يخوض فى عرض الناس ويقعد يشتم فيهم ويسب ويتنمر و و و دا بيعود ولا بيرجع عليه ب ايه ! هل بيروح البيت بيلاقي بيته اتغير ، طيب بيبص تحت بيته بيلاقي العربيه اللي نفسه يجيبها ؟ طيب ولاده وصلوا للمكانة اللي بيتمناها ؟ طيب عيش ابوه و امه في حاجة يستحقوها ! مش قادر استوعب فعلا الموضوع».
وتابع لاعب الأهلي: «بلاش انت ، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانه؟ معندوش نفس البيت ؟ طب و العربيه ؟ حياتكو يعني اتغيرت ؟ الاجابه لا !! طيب ليه بتعمل كده ، عمال تكبر وتكتر في ذنوب الله اعلم هتعرف تمسحهم ولا لا و مفيش حاجه علي ارض الواقع بتتغير بعد الشتيمه دي كلها !!».
وأضاف لاعب الزمالك السابق: «مش بتشوف كل الناس اللي فجاءه مبقوش حواليك ؟ دي مش حاجه تخليك تتعظ ! تخليك تفكر أنا بعمل كده ليه وعشان آيه ! فكر كويس عشان و الله ما في حاجه مستاهله ، اعرف ان رزقك كده كده ربنا كاتبه لك و انت بتختار الطريقه اللي بيجيلك بيها الرزق فا خليها دايما طريقك کویسه و افتكر دايما انها مش دایمه ، صباحكم جميل».
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
