علق الإعلامي محمود سعد، على التسجيل الصوتي الأول للفنانة أنغام، وذلك بعد انتهاء أزمتها الصحية الأخيرة، والتي نقلت على إثرها لـ ألمانيا لإجراء عملية جراحية خطرة استأصلت خلالها ورم في البنكرياس.
تعليق محمود سعد على التسجيل الصوتي لـ أنغام
وكتب الإعلامي محمود سعد، تعليقا على التسجيل الصوتي للفنانة أنغام، التي شاركته في الساعات القليلة الماضية، وفقا لما رصده موقع تحيا مصر، عبر صفحته الرسمية على موقع التواصل الاجتماعي فيسبوك: والله وحشنا صوتك ياأنغام، سواء بتتكلمي أو بتغني، كلمي جمهورك وناسك واهلك وان شاء الله قريب نسمعك بتغني لجمهورك وناسك واهلك، ياصوتنا الجميل، عارفة ليه، لان انتي بنت ناس، واخت الناس، واحدة من العيلة طول الوقت، لا انتي نجمة العيلة.
أنغام توجه رسالة لجمهورها
وكانت الفنانة أنغام قد خرجت في رسالتها الأولى بعد أزمتها الصحية الأخيرة، والتي نقلت على إثرها لـ ألمانيا لإجراء عملية جراحية استأصلت من خلالها ورم في البنكرياس.
وقالت الفنانة أنغام في تسجيلها الصوتي، التي نشرته عبر صفحتها الرسمية على موقع التواصل الاجتماعي إنستجرام: أنا فكرت أكتب ولا اتكلم بصوتي وأقول لكل حد وقف جانبي وكل حد دعالي من قلبه وكل شخص اكتشف انه بيحبني او حتي مكانش بيحبني وقرر بانسانيته وحنيته وبقلبه انه يدعيلي ويدعمني في المحنة اللي عديت بيها.
وتابعت أنغام في تسجيلها: بشكركم من كل قلبي، انتوا دعيتوا وربنا استجاب ودعائكم كان هو الدوا والايد اللي بطبطب وهو اللي وقفني على رجلي بعد ربنا والدكاترة، مش عارفة اتكلم ومش عارفة مبكيش من فرحتي انتوا يمكن دعيتوا لأنغام، لكنكم دعيتوا لأم اتمنت من ربنا انها تكمل شوية عشان تفرح بأولادهاوتعيش معاهم وانا كان كل خوفي ان انا اسيب اولادي، مكنتش عايزة حاجة من الدنيا.
وأضافت أنغام: عمري ما كنت بالضعف دا انا مش خجلانة اني ضعيفة قدامكم لاني بقيت حاسة اني حته منكم وان انتوا اهلي ومش عيب ان اهلي يضعف قدام اهله ويطلب منهم انهم يستحملوا وقت ضعفه وانا مشتاقة اني اشوفكم على المسرح ونغني ونحتفل.
