أوضحت الإعلامية بسمة وهبة حقيقة القبض على المطرب حسام حبيب، ومن خلال مداخلة هاتفية في بث مباشر عبر حسابها الرسمي بموقع “إنستجرام” بعد تداول هذه الأخبار على مواقع التواصل الإجتماعي خلال الساعات القليلة الماضية.
حسام حبيب ينفي حقيقة القبض عليه
وقال حسام حبيب: "إشاعة القبض عليا مش مظبوطة ومعروف مين بيطلعها دي حملة ممنهجة ضدي والمرة دي فيها غلط كبير لأن في تسريب لتحقيقات النيابة وكل مرة أنا مش برضى أتخذ أي إجراء إكراما لشيرين ومش فاهم ليه الشخص دا قلبه عامل كده جايب اللي جواه دا منين، أنا مستني ربنا هيجيبلي حقي".
وتابع حسام حبيب: "ضغط الناس عليا بيخوفني، يعني الأخ دا بدل ما يشوه أخته ويشوهني يروح يبص على أخته مرة واحدة بدل ما هو مضيع وقته في الكلام دا، وقت خناقاتنا كان بيتقالها كلام مش حقيقي زي دلوقتي، هو عنده القدرة يضحك على شعوب ولازم الناس تقف له، بس هو عامل حساب أن اللي قدامه مش بيقفله حفاظا على العشرة وأخته، لكن أقسم بالله مش هسيب حقي".
وأوضح حسام حبيب حالة شيرين عبدالوهاب قائلا: “أنا بقالي أسبوع بكلم كل أصحابها المحترمين بقولهم يساعدوني عشان أنا خايف من ضغط الناس ومش عشاني عشان أنا عندي أم وأخت، كل اللي بيحصل وبيتقال إني اتقبض عليا دا عشان يخوفوني ويخلوني أبعد عنها ودا ممكن يحصل أنا مش بخاف على نفسي أنا بخاف على أهلي”.
واختتم حسام حبيب حديثه: "أنا مش هسيب شيرين تتأذي عشان خايف من الناس أنا عايز الناس تقف معايا لحد ما ربنا يظهر الحقيقة، لو موقفتش جنبها مين هيقف جنبها إذا كان أقرب الناس اللي من دمها مش بيطلوا عليها، أنا بطلب من الناس تمشي ورا الكداب لحد باب الدار".
