طلاب المرحلة الثالثة.. إنت خلصت.أيوه خلصت مرحلة كانت طول الوقت واخدة عقلك وقلبك ونومك وكل حاجة فيك
دلوقتي خلاص.. الكتاب اتقفل، واللي جاي ربنا اللي كاتبه
صدقني مهما كانت النتيجة، كمل وانت راضي.. يمكن ربنا بيبعدك عن حاجة مش ليك مش ميولك. ولا موهوب فيها وبيجهزلك اللي أنسب بكتير من اللي كنت فاكره حلم
فخليك واثق.. إن اللي جاي أحلى بكتير لو سلمت نفسك لربنا ومشيت وراك إرادتك. ومننساش. مرحله اولى أو تالته هتاخود نصيبك وهم كليات القمه دى عقولنا فقط.
١- متزعلش لو مجبتش الكلية اللي كنت بتحلم بيها لانك ستصنع انت قيمتك إن أرادت
ممكن تكون شايف إن حلمك اتكسر، بس الحقيقة إن ربنا دايمًا شايف الصورة الكاملة، ووضوح. وعارف انت قدراتك اى وإنت مش شايف غير جزء بس. من الصورة
مش دايمًا الكلية اللي بنتمناها هي الصح، ومش شرط الطريق اللي حطيناه في دماغنا هو اللي هيوصلنا
في ناس دخلت كليات مش كانوا عايزينها، وطلعوا منها عباقرة وناجحين وبقوا قدوة للكل
السر فالاراده والإصرار وانك تعرف انت متميز فاى لأن كل انسان له بصمه موهبه
الموضوع كله مش كلية.. الموضوع إنك تكمل وتحط بصمتك في أي مكان هتروحه
٢- متخليش النتيجة توقفك.. متقفش عندها كتير
في ناس بتقع بعد أول خطوة.. بس اللي بينجح هو اللي بيقف تاني ويكمل
مش مهم الكلية.. المهم إنت هتعمل إيه بعد كده
ولأهالينا الحبايب.. شكرًا من القلب
شكرا لكل ام دعمت ابنها ولو بالدعاء شكرا لكل اب تحمل عشان يوفر لابنه كل ما يحتاج شكرا من القلب
١- عارفين قد إيه تعبتوا.. بس ابنك أهم من أي درجه او كليه.
وارجو كم بلاش المقارنات
الأهالي طول السنة شالين هم وقلق وتوفير ومصاريف ودروس وأكل وشرب وسهر.. وكل ده عشان يشوفوا اليوم ده
بس صدقني ابنك محتاجك دلوقتي أكتر من أي وقت
محتاج يسمع منك كلمة: "أنا فخور بيك.. ومش فارق معايا أي مجموع"
الولد أو البنت اللي طلعوا عينيهم طول السنة.. أكيد يستاهلوا حضن ورضا مش مقارنة وضغط
٢- السن ده حساس جدًا.. وأي كلمة بتسيب جرح
ومحدش يعرف. الإحباط ممكن يوصلهم لأى
الطلبه ال في المرحلة دي مش بيبقوا عارفين هما حاسين بإيه، فيهم خوف وقلق وكسرة نفس وحيرة
ممكن تلاقيهم ساكتين، أو بيضحكوا وبيهزروا، بس جواهم حاجات كتير محدش يعرفها
فمحتاجين أهل يبقوا السند، يبقوا الأرض اللي يوقفوا عليها من تاني لما يقعوا
٣- الكلية مش هي اللي بتحدد مستقبلهم.. الطريقة اللي هيكملوا بيها هي الأهم
صدقوني.. الثانوية مش نهاية، ولا المجموع هو اللي هيكتب مصيرك
اللي هيكمل.. هو اللي ناوي يكمل
ويا أهلنا.. إحنا محتاجينكم دلوقتي أكتر من أي وقت فات
يلا نبدأ من أول وجديد.. وكلنا قلب واحد وسند لبعض
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
