تحدثت الإعلامية ياسمين الخطيب عن أزمة الفنانة بدرية طلبة وإحالتها لمجلس التأديب، وذلك خلال برنامجها "مساء الياسمين" المذاع عبر قناة الشمس.
ياسمين الخطيب عن أزمة بدرية طلبة: المشخصاتي مش شتيمة.. والفنان مش سيد البلد
وقالت الخطيب: "موضوع بدرية مش عايز يخلص، وأنا طلبت منها تعتذر وبالفعل اعتذرت، لكن الناس رافضين الاعتذار وبيقولوا إني واحد مشخصتيه.."، مؤكدة أن الأمر تضخم ويحتاج إلى وضعه في سياقه الصحيح.
ياسمين الخطيب تدافع عن الفنانين: المشخصاتي مش إهانة.. والستات اللي بيخدموا في البيوت هما أسياد البلد
وأضافت: "المشخصاتي مش شتيمة، هو الفنان الممثل، والفنان سفير مصر وقوتها الناعمة، لكن لازم نعرف إن الفنانين مش هم أسياد البلد. أسياد البلد هما المجهولين: الموظف الشريف، الجندي اللي بيضحي بروحه، الضابط اللي شال روحه على كفه علشان أمن وأمان الشعب، وستات البيوت اللي بيخدموا.. دول أسياد البلد الحقيقيين، حتى لو محدش بيجري يتصور معاهم."
واختتمت حديثها مؤكدة أن هؤلاء البسطاء والمجهولين هم من صنعوا الفنان، وأن الاعتراف بقيمتهم واجب لا يقل أهمية عن تقدير دور الفن والفنانين.
