مصر بدأت تدخل مرحلة جديدة من تطوير الاقتصاد، وبداية من 2026 هيكون عندنا أول بنك رقمي متكامل في مصر بيقدم خدماته حصريا عبر القنوات والمنصات الرقمية.. يا ترى امتي هنشوف اول جنية رقمي.. وهل هتكون ليه مميزاته ومميزاته.
الجمهورية الجديدة اللي الرئيس عبد الفتاح السيسي حط اساستها قايمة حاليا بشكل كامل علي التحول الرقمي في كل القطاعات واحد من القطاعات المهمة اللي التحول الرقمي تحول لباب لا يمكن التخلي عنه هو قطاع المال والأعمال، وخلال 2026 هيكون عندنا خطوة مهمة جدا من خطوات تحديث وتطوير الاقتصاد المصري من خلال إطلاق اول بنك رقمي في مصر.
طيب هل البنك المركزي ممكن يصدر عمله رقمه تحت اسم الجنية الرقمي زي البتكوين كده؟.
البنك المركزي بدأ فعلا يدرس إصدار الجنيه الإلكتروني ومستهدفه ظهوره للنور في 2030، وده جزء من رؤية اقتصادية مصر 2030، واللي بتهدف لتعزيز تنافسية العملة الوطنية وتحسين فعالية السياسة النقدية وتحقيق الشفافية المالية الشاملة.
تقارير البنك المركزي، أكدت أن المرحلة الأولى من الدراسة النظرية انتهت وبدأت تحضير للمرحلة التانية بالتعاون مع عدد من الجهات الدولية زي صندوق النقد والبنك الدولي.
طيب اية الفوايد اللي هترجع علي مصر من اصدار الجنية الرقمي؟.
في فوائد كتيرة هترجع علي مصر من إصدار الجنية الرقمي أولها تحسين الكفاءة وسرعة المعاملات خصوصا أن التحويلات ممكن تتم بدون وسطاء وده هيقلل التكلفة والوقت، ده غير أنه هيعزز جهود الشمول المالي ووقتها العميل يقدر يوصل لاي حساب رقمي بدون ما يروح لاي فرع بنكي، وكمان هيعزز فاعلية السياسة النقدية والبنك المركزي هيقدر يتحكم مباشرة في المعروض النقدي وتوقيت تدفقه للخارج، وهيقلل التكاليف الحكومية من طباعة العملة الورقية المكلفة، واخيرا هيدي ميزة لزيادة أمن ومكافحة الاحتيال خصوصا أن كل المعاملات هتكون قابلة للتتبع، وده هيقلل فرص غسيل الأموال والتهرب الضريبي.
بس طبعا زي ما في ايجابيات من خطوة اصدار الجنية الرقمي، برضوا في تحديدات لازم الحكومة تاخذها في الأعتبار زي أنه ممكن يهدد النظام المصرفي التقليدي وده في حالة لو الناس احتفظت بالجنيهات الرقمية بدل من الودائع، فده ممكن يسبب تغيير في ميزانيات البنوك ويؤدي إلى اضطرابات مالية، ده غير مشاكل ومخاطر الأمن السيبراني وده في حالات اختراق النظام الرقمي، وساعاتها الحسابات ممكن تتعرض للخطر وطبعا البنك المركزي المصري هيعمل حساب كل ثغرة وهيأمن الحسابات والمعاملات بشكل تام ومش هينطلق غير لما كل حاجة تكون متأمنة كويس جدا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
