عبدالناصر محمد يرد على انتقادات نجوم الزمالك لفكرة توليه منصب مدير الكرة

رد عبدالناصر محمد، مدير الكرة بالفريق الأول لكرة القدم بنادي الزمالك، على انتقادات نجوم القلعة البيضاء السابقين، لتعيينه في هذا المنصب.

وقال مدير الكرة بنادي الزمالك، في تصريحات إذاعية: «أنا عندي إيمان كامل إن كل الدائرة ما اختصرت كان النجاح حليفك، مينفعش تبص تلاقي الفرقة فيها 30 عامل بأي شكل، كلهم على راسنا من فوق، لكن كل نادي شغال 4 أو 5 أو 6 بالكتير أوي، مفيش جيش من الإداريين شغال لا خالص، هما 4 أو 5 إداريين تحدد وظائفهم عشان تعرف تحاسب».

عبدالناصر محمد: متقبل انتقادات نجوم الزمالك

وعن انتقادات نجوم الزمالك السابقين لتولي جون إدوارد، منصب المدير الرياضي، وعبدالناصر محمد، منصب مدير الكرة، رد قائلا: «ده حق أصيل لكل نجوم النادي، يقولوا رأيهم ونحترم كلامهم، وفي ناس أحسن مني مليون مرة، لكن هي لو مكنتش عبدالناصر كان هيبقى في غيري».

وتابع عبد الناصر محمد: «هي فترة إعادة هيكلة فقط، دول نجوم كنت بروح اتفرج عليهم، لا يمكن انتقد نجم كبير لنادي الزمالك كنت بروح اتفرج عليه، ده حق أصيل ليهم وهما متكلموش عليا كشخص هما بيتكملوا عن الفكرة نفسها».