تحدث الإعلامي أحمد شوبير، عن أزمة المهاجم الفلسطيني وسام أبو علي، والذي مازال لم يتمم إجراءات انتقاله إلى نادي كولومبوس الأمريكي.
أزمة وسام أبو علي
قال أحمد شوبير: “موضوع وسام أبو علي تاني وتالت ورابع بنروح لوسام ابو علي نفسه لان طول ما الامر معلق لازم نعرف الاخبار نفسها”.
وتابع عبر راديو أون سبورت: “روحنا لوسام مردش روحنا للاهلي قالنا مفيش اي جديد ، طيب رابطة الدوري الامريكي كلمتكم قالوا لا ، طيب حد من طرف وسام كلمكم قالوا لا ، طيب في اي اخبار لا مفيش خالص”.
وأضاف: “معلوماتي الشخصية القيد بيتم غلقه في امريكا 21 اغسطس ، دة اجتهاد قد اكون خاطئ طيب لو جيه الوقت دة والنادي متكلمش اعتقد خلاص كان شيئا لم يكن وهذا التعاقد مفيش”.
وذكر: “طيب هل ممكن يكون كوبري؟ والله وسام متقيد في الأهلي، الأهلي مش تلامذه عشان ميقيدش وسام في القايمة الأولي، اتقيد وكل حاجة والقصة، أنه لم يدخل مليم حتي الآن من فلوس وسام أبو علي”.
وواصل: “همشي معاك لآخر المطاف إن وسام مش هيروح أمريكا ، وسام لو مسافرش لأمريكا هو عنده عقد مستمر لـ 2029 ولو مسافرش أمريكا الورق كله لاغي ويستمر في الاهلي”.
وأكمل: “الزملاء في الإعداد اتصلوا وجابوا وسام، قال إنتوا قلقانين ليه أنا فاضلي يومين تلاتة والأمور تخلص، دة اللي قاله وسام من جديد مرة تانية لزمايلنا ، فهل كلامه هيصدق وكلام النادي هيصدق”.
وأتم أحمد شوبير حديثه: “لأن وسام مبيتمرنش، طيب حد قالي دة وسام عرض علي الاهلي ينتظم معاه الست شهور دول لو متسجلش وبعدين يبقي يروح الست شهور التانين والكابتن الخطيب رفض هذا الامر لم يحدث ولم يتم طرح الامر وسام بيتكلم انه ماشي ماشي وان الموضوع خلصان وان الموضوع منتهي بنسبة 100%”.
