يا ترى لو بتفكر تقدم على شقة مدعمة إمته آخر معاد، هل الفرصة لسه متاحة، وايه هي تفاصيل مبادرة "سكن لكل المصريين 7"؟
لو إنت من محدودي أو متوسطي الدخل وبتحلم بشقة محترمة بسعر معقوا، فدلوقتي في مبادرة "سكن لكل المصريين 7" اللي هتكون فرصتك.
وده عبارو عن تمويل عقاري مدعوم من الدولة، والأقساط بتبدأ من أرقام قليلة وعلى سنين طويلة، يعني بدل ما تدفع إيجار كل شهر تدفع قسط شقتك وتبقى بتبني مستقبلك.
لكن خلى بالك، آخر ميعاد للحجز هو يوم الخميس 15 أغسطس 2025، يعني قدامك وقت بسيط لو لسه ما قدمتش.
كمان، التقديم بيكون من خلال الموقع الرسمي لصندوق الإسكان الاجتماعي، وتقدر تملا البيانات وتدفع مقدم جدية الحجز عن طريق فوري أو البريد أو أي بنك مشارك في المبادرة.
والشقق دي بتتوزع في مدن مختلفة، زي حدائق أكتوبر والعبور الجديدة وبرج العرب وبني سويف وأسيوط الجديدة وسوهاج الجديد وغيرها كتير. يعني مهما كان مكان شغلك أو ظروفك في دايما مدينة قريبة ليك تقدر تختار منها.
طيب، مين ليه حق التقديم؟
لو دخلك الشهري ما يزيدش عن 9 آلاف جنيه للأسرة، أو 7 آلاف للفرد، ومعندكش شقة باسمك ومقدمش في أي مبادرة إسكان تانية وسنك ما بين 21 و50 سنة، يبقى انت مؤهل تماما للتقديم.
فوق كل ده، الحكومة بتستهدف توصيل الدعم لمستحقيه الحقيقيين وبتوفر تسهيلات في السداد ومبادرات تمويل عقاري مع البنوك، والفوايد مدعومة بشكل كبير علشان الأقساط تبقى في متناول الناس.
كمان، الصندوق عمل كتيب إرشادات تقدر تحمله من الموقع، وفيه كل التفاصيل الخاصة بالشروط، المدن، وأنظمة السداد، فلو محتاج مساعدة في مكاتب الصندوق موجودة في كل المحافظات، أو ممكن تتواصل معاهم من خلال الخط الساخن 1188.
والخلاصة، الفرصة لسه موجودة لكن الوقت بيجري فلز نفسك تمتلك شقة غالحكومة بتقولك: أنا معاك وهساعدك، فمتفوتش الفرصة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
