وجه الفنان تامر حسني رسالة إعجاب بسارة وفيق مخرجة فيلمه الأخير ريستارت، وذلك عبر ستوري على حسابه بإنستجرام.
وقال تامر حسني: "سارة وفيق، مخرجة كبيرة قدمت فيلما يجسد الواقع المرير، وازاي ممكن بعض الناس يعملوا أي حاجة مهينة، وممكن يبيعوا مبادئهم وضمائرهم عشان التريند والمكسب السريع، يمكن الفيلم بيتفهم دلوقتي أكتر، شكرا سارة وفيق، ومبروك كونك المخرجة السيدة الوحيدة اللي إيرادات فيلمها تخطي 95 مليون، واقترب من 100 مليون داخل مصر و800 مليون خارجها".
وأضاف: "يعني قرب من المليار وده إنجاز كان لازم أذكره لمجهودك ولتحملك حروب كتير كانت بتكسر فيكي، ودلوقتي الرد واضح وصريح، لأننا بنخاطب الجمهور مش أي حد تاني، والجمهور الكبير اللي دخل الفيلم مش ولاد أختك، لا ده جمهور حقيقي صدق قد إيه فيلمك عبر عن الواقع".
واختتم تامر قائلًا: "افترضنا جوا الفيلم إن النت قطع، الدنيا هتنهار كنا بنلفت نظر الدولة إنه لازم يبقى في مسار احتياطي في حياتنا وفعلا النت قطع وعشنا مأساة كام يوم".
أحداث فيلم "ريستارت"
تدور أحداث “ريستارت” حول “محمد”، فني هواتف بسيط يحلم بالزواج من “عفاف”، من شخصية مؤثرة على مواقع التواصل، لكن ضيق الحال يدفعهما لتجربة طريق الشهرة عبر الإنترنت، بدعم من عائلتهما الكوميدية وبتدخل وكيل رقمي غامض يُدعى “الجوكر”، يحققان شهرة مفاجئة، لكن سرعان ما تختبر العائلة ثمن النجاح عندما تبدأ القيم في التلاشي أمام الأضواء والمال.
طاقم عمل فيلم "ريستارت"
يشارك في الفيلم إلى جانب تامر حسني كل من هنا الزاهد، محمد ثروت، باسم سمرة، عصام السقا، ميمي جمال، وعدد كبير من ضيوف الشرف منهم إلهام شاهين، محمد رجب، شيماء سيف، رانيا منصور، توانا الجوهري، وأحمد حسام ميدو. الفيلم من تأليف أيمن بهجت قمر وإخراج سارة وفيق.
